| e-texts navigator |
| Wylie |
98a1 དང་། རི་སྐེགས་དང་། ཁྱུང་ཆེན་པོ་ལ་སོགས་པའི་ཤ་རྣམས་དབུལ་བར་བྱའོ།། ཤིན་ཏུ་མཉམ་པར་གཞག་པས་བཟའ་བ་དང་། སྟོན་མོ་དང་། སྐྱོན་སྲེག་དང
98a2 གཏོར་མའི་ལས་བྱའོ། ། དཀྱིལ་འཁོར་གྱི་གྲཝ་ཐམས་ཅད་དུ་ཁྲག་གི་ཆག་ཆག་བྱའོ།། དཔལ་རྡོ་རྗེ་འཇིགས་བྱེད་མ་ཧེའི་གདོང་གི་སྦྱོར་བ་ལ་གནས་པས་ལྷ་བཤོས་ཐམས་ཅད་དབུལ་བར་བྱའོ།། དེ་ནས
98a3 སྔགས་པས་སྔོན་དུ་སྤྱད་པ་བྱས་ཏེ། བདག་ཞི་བར་གྱུར་པའི་ཤིན་ཏུ་མཐུན་པའི་གྲོགས་སམ། བདག་གཅིག་པུ་རྣམ་པར་སྣང་མཛད་ཀྱིས་ལུས་བྱུགས་ཏེ་གཅེར་བུར་ཕུད་ནས་སྐྲ་གསིལ། མཚན
98a4 ཕྱེད་ན་ཅང་ཏེའུ་དཀྲོལ་ལ་ཧ་ཧ་ཞེས་བྱ་ཞིང་མཉམ་པར་བཞག་སྟེ། རྡོ་རྗེ་འཇིགས་བྱེད་ཆེན་པོའི་དཀྱིལ་འཁོར་དུ་དངོས་གྲུབ་འདོད་པས་འཇུག་པར་བྱའོ།། རབ་ཏུ་ཞིམ་པའི་ཆང་ལ་སོགས་པ་བཏུང
98a5 བ་དང་བཟའ་བའི་རོ་རྣམས་དབུལ་ལོ། ། ཕྱི་ནས་དངོས་གྲུབ་དང་དངོས་གྲུབ་མ་ཡིན་པ་ལ་དམིགས་ལ། དེའི་སྟེང་དུ་དཔལ་རྡོ་རྗེ་འཇིགས་བྱེད་ཆེན་པོ་མ་ཧེའི་གདོང་ཅན་བསམ་པར་བྱའོ།། དེའི
98a6 མདུན་དུ་གཡས་བསྐུམ་དུ་གནས་ལ་ང་རྒྱལ་དང་བཅས་པས་སེམས་རྩེ་གཅིག་ཏུ་ཤིན་ཏུ་མཉམ་པར་བཞག་པས་ཡི་གེ་བཅུ་པའི་སྔགས་བཟླ་བར་བྱའོ། ། དེ་ནས་འཇིགས་པ་ཆེན་པོ་བྱུང་ན།། དེ་ལ
98a7 སྔགས་པས་འཇིགས་པར་མི་བྱ་སྟེ། གལ་ཏེ་འཇིགས་པར་གྱུར་ན། དེ་ལ་བགེགས་ཆེན་པོའི་བར་ཆད་འབྱུང་ངོ་།། བར་ཆད་བྱུང་བ་ན་དངོས་གྲུབ་མི་འགྲུབ་བོ།། དེ་བས་ན་སྔགས་པས་འཇིགས
iiif viewer powered by OpenSeadragon
