| e-texts navigator |
| Wylie |
97a1 མ་མོའི་ཁྱིམ་མམ། སྒྲའི་ཁང་པ་འམ། འཐབ་མོའི་གནས་སམ། གྲོང་ཁྱེར་རམ། ནགས་ཁྲོད་དམ། གྲོང་ལ་སོགས་པའི་གནས་སུ་སྔགས་པ་གནས་ཏེ། རྡོརྗེ
97a2 འཇིགས་བྱེད་ཆེན་པོའི་རྡོ་རྗེའི་འཁོར་ལོའི་མིང་གི་རྒྱུད་འདིར་དབང་བསྐུར་བའི་རྣལ་འབྱོར་པས་དབང་དང་། དགུག་པ་དང་། གསད་པ་དག་དང་། བསྐྲད་པ་དང་། དབྱེ་བ་དང་། རེངས་པ་དང་།
97a3 རལ་གྲི་དང་། མིག་སྨན་དང་། ས་འོག་དང་། རིལ་བུ་དང་། གསེར་འགྱུར་དང་། བཅུད་ཀྱིས་ལེན་པ་དང་། ནོར་དང་། འབྱུང་པོ་དང་། རོ་ལངས་དང་། ཤ་ཟ་དང་། གནོད་སྦྱིན་དང་།
97a4 གནོད་སྦྱིན་མོ་དང་། ཀླུ་ལ་སོགས་པའི་ཆོ་ག་འདིས་བསྒྲུབ་པར་བྱའོ།། དེ་ལ་ཆོ་ག་ནི་དང་པོར་རེ་ཞིག་སྔགས་པས་རོ་བསྲེགས་པའི་ཐལ་ཆེན་གྱིས་ལུས་བྱུགས་ཏེ། མཚན་ཕྱེད་ན་གཅེར་བུ་སྐྲ
97a5 གསིལ་བ་བྱས་ལ། ། འཕགས་པ་མ་ཧེའི་གདོང་ཅན་གྱི་རྣལ་འབྱོར་གྱིས་དུར་ཁྲོད་ལ་སོགས་པར་དཀྱིལ་འཁོར་བྲིས་ཏེ། གྲུ་བཞི་པ་ལ་སྒོ་བཞི་པ།། རྟ་བབས་བཞི་ཡིས་རྣམ་པར་བརྒྱན།། དྲིལ་བུ
97a6 དར་གྱི་འཕན་ལ་སོགས། ། མེ་ཏོག་འཕྲེང་བས་རྣམ་པར་ཀླུབས།། གྲཝ་རྣམས་དག་ནི་ཐམས་ཅད་དང་།། སྒོ་ཁྱུད་གྱོན་ཕུགས་དག་ཏུ།། རྡོ་རྗེ་རིན་ཆེན་གྱིས་སྦས་པ།། ཟླ་བ་པྱད་པ་དེ་བཞིན
97a7 ། དེ་དབུས་འཁོར་ལོ་བྲི་བ་ནི།། རེའུ་མིག་དགུ་པ་ཟླུམ་པོའོ།། སྒོ་གཅིག་པ་ནི་དབྱེ་བར་བྱ།། ལྷག་མ་ཡོངས་སུ་གཅད་པར་བྱ།། དེ་དབུས་མི་རོ་བྲི་བར་བྱ།། ཤར་དུ་མགོ་བོ། ལྷོར་ལག
iiif viewer powered by OpenSeadragon
