| e-texts navigator |
| Wylie |
68a1 རྡོ་རྗེ་བླ་མེད་བླང་བར་བྱ།། རྡོ་རྗེ་རྒྱལ་པོ་བླངས་པ་ཡིས།། གཙོ་བོ་རྡོ་རྗེ་འཆང་གཉིས་འགྱུར།། གཙོ་བོ་ཆེན་པོ་སངས་རྒྱས་དང་། བྱང་ཆུབ་སེམས་དཔས་ཡོངས
68a2 བསྐོར་ནས། ། སེམས་ཅན་སེམས་ལ་གནས་པ་ཡི།། ལག་ན་རྡོ་རྗེ་རྡོ་རྗེ་འཆང་།། འཇིག་རྟེན་ཁམས་སུ་རྣམ་རྒྱུ་ཞིང་།། ཀུན་གྱི་བསམ་པ་ཡོངས་རྫོགས་བྱེད།། རིན་ཆེན་འབྱུང་བ་བསྒོམས་ནས
68a3 ནི། རིན་པོ་ཆེ་ནི་མདུན་བཞག་སྟེ།། སྦྱོར་བའི་རིམ་པས་རྣམ་སྤེལ་ན།། རིན་ཆེན་ཆེན་པོ་འཕགས་པར་འགྱུར།། རིན་ཆེན་སྒྲོལ་མ་ཟློས་བཞིན་དུ།། འོད་བཟང་གཟི་བརྗིད་འབར་བ་ཅན།།
68a4 ཕྱོགས་ཀུན་སྣང་བར་བྱེད་པ་ཡ།། ནོར་བུའི་རྒྱལ་པོ་བླང་བར་བྱ།། ལྷ་རྫས་ནོར་བུ་བླངས་པ་ཡིས།། རིན་ཆེན་འབྱུང་བ་གཉིས་པར་འགྱུར།། དེ་ནི་སེམས་ཅན་ཐམས་ཅད་ཀྱི།། ཡིད་བཞིན
68a5 ནོར་བུ་རིན་ཆེན་བཞིན། ། རིན་ཆེན་ཆར་པ་རབ་འབེབས་ཤིང་།། སེམས་ཅན་ཀུན་གྱི་དབུལ་བ་འཇོམས།། གཙོ་བོ་ཡིད་བཞིན་ནོར་བུ་ཅན།། སངས་རྒྱས་ཞིང་དུ་རྣམ་པར་རྒྱུ།། འོད་དཔག
68a6 མེད་པར་རྣམ་བསྒོམས་ནས། ། པདྨ་ཆེན་པོ་མདུན་བཞག་སྟེ།། རིམ་བཞིན་གཟི་བརྗིད་གཟེངས་བསྟོད་ན།། འདབ་མ་བྱེ་བས་རྣམ་བརྒྱན་པ།། འོད་བཟང་གསེར་ལྟར་འབར་བ་ཅན།།
68a7 པདྨ་ཆེན་པོ་འཕགས་པར་འགྱུར།། གོས་དཀར་ཅན་མའི་གསང་སྔགས་ཀྱིས།། ཡིད་ལས་བྱུང་བའི་པདྨ་བླང་།། པདྨའི་རྒྱལ་པོ་བླངས་པ་ཡིས།། འོ་དཔག་མེད་པ་གཉིས་པར་འགྱུར།། །
iiif viewer powered by OpenSeadragon
