| e-texts navigator |
| Wylie |
67b1 འདི་ནི་སྦྱིན་སྲེག་རམ་པར་ཕྱེ་བའི་ལེའུ་སྟེ་དགུ་པའོ། ། །། དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོ་རྡོ་རྗེའི་དེ་བཞིན་གཤེགས་པས་ཏིང་ངེ་འཛིན་ཐམས་ཅད་ཀྱི་དངོས
67b2 གྲུབ་དམ་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དམ་ཚིག་ཐམས་ཅད་ཀྱི་རྡོ་རྗེ་ཆེན་པོའི་མཆོག་དངོས་གྲུབ་འདི་བཀའ་སྩལ་ཏོ།། ལག་ན་རྡོ་རྗེ་གསང་སྔགས་སྒོམ་པའི་རྣལ
67b3 འབྱོར་གྱི་ཚོ་གས་ཡང་དག་པར་བསྐུལ་ནས་རྫས་ཐམས་ཅད་ཀྱི་དངོས་གྲུབ་བསྒྲུབ་པའི་ཐབས་གསང་ཆེན་འདི་ཉོན་ཅིག། རྣམ་པར་སྣང་མཛད་ཏིང་ངེ་འཛིན་ལ།། གནས་ཤིང་སྐུ་གསུང་ཐུགས
67b4 བསྒོམས་ཏེ། ། མདུན་དུ་འཁོར་ལོ་ལེགས་པར་གཞག། སྐུ་གསུམ་རྡོ་རྗེ་ཅན་གྱི་གཟུགས།། འབར་བའི་འཕྲེང་བ་འཁྲུག་པའི་འོད།། འཁོར་ལོའི་ནང་དུ་ཞུགས་གྱུར་པར།། བསྒོམ་ཞིང་འཁོར་ལོ
67b5 བསྒྲུབ་པར་བྱ། ། མེ་ཡི་འོད་ལྟར་འབར་བའི་འོད།། འཁོར་ལོ་ཆེན་པོ་འཕགས་པར་འགྱུར།། སྤྱན་ནི་བཟླས་བརྗོད་བྱེད་བཞིན་དུ།། བླ་མེད་འཁོར་ལོ་བླང་བར་བྱ།། རྒྱལ་ཆེན་འཁོར་ལོ་འགྲུབ
67b6 པ་དག། འོད་ནི་རྣམ་པར་སྣང་མཛད་བཞིན།། ལན་གསུམ་འཇུག་པའི་སེམས་ཅན་ལ།། ཆོས་ཀྱི་འཁོར་ལོ་བསྐོར་བར་གྱུར།། མ་འཁྲུགས་པར་ནི་རྣམ་བསྒོམ་ཞིང་།། རྡོ་རྗེ་མདུན་དུ་བཞག་ནས
67b7 ནི། རིམ་པ་བཞིན་དུ་བསྐུལ་ན་འདིས།། སྐུ་གསུམ་རྣམ་པར་འཕེལ་འགྱུར་ཞིང།། འབར་བའི་འཕྲེང་ཆེན་མཉམ་པའི་འོད།། རྡོ་རྗེ་ཆེན་པོ་འཕགས་པར་འགྱུར།། མཱ་མ་ཀཱི་ནི་ཟློས་བཞིན་དུ།།
iiif viewer powered by OpenSeadragon
