| e-texts navigator |
| Wylie |
65a1 ང་རྒྱལ་གྱིས། ། རྣལ་འབྱོར་འཁོར་ལོ་རྫོགས་གྱུར་ན།། ཚིག་གི་རྣམ་པ་ཙམ་གྱིས་ཀྱང་།། ལཱུ་དང་ལཱ་མིན་མི་ལ་སོགས།། རྣལ་འབྱོར་ཅན་གྱིས་ཐམས་ཅད་བྱེད།
65a2 གང་ཚེ་དབང་ཉིད་ལ་གནས་པ།། དེ་ཚེ་ཐམས་ཅད་མངའ་གཞུག་འགྱུར།། བལྟས་པ་ཙམ་གྱིས་འཆི་བ་འམ།། དེ་ཙམ་གྱིས་ཀྱང་གཅོད་པའི་མཆོག། སྒྱུ་མིའི་ཡེ་ཤེས་ཀྱིས་བསྐུལ་ནས།།
65a3 རྣལ་འབྱོར་ཅན་གྱིས་གླུ་དང་གར།། ཇི་ལྟ་ཇི་ལྟར་བསྒོམ་བྱས་པ།། དེ་ལྟར་འགྲོ་བ་རབ་ཏུ་བྱེད།། སྦྱིན་སྲེག་དེ་ཉིད་ལ་གནས་པའི།། མེ་ཡི་ལྷ་ནི་ཞལ་ཡིན་པས།། སྣ་ཚོགས་ལས་རྣམས
65a4 གྲུབ་བྱེད་པའི། ། སྦྱིན་སྲེག་ལས་ནི་རབ་ཏུ་བཤད།། སྦྱིན་སྲེག་གིས་ནི་ལྷ་རྣམས་ཚིམ།། ཚིམ་པར་གྱུར་ནས་དངོས་གྲུབ་སྟེར།། གསང་སྔགས་ལྷག་ཆད་གང་ཡིན་པ།། ཐམས་ཅད་སྦྱིན
65a5 སྲེག་དག་གིས་སྐོང་། ། དེ་ཕྱིར་སྐུ་གསུམ་མཁས་མཆོག་གིས།། སྦྱིན་སྲེག་རབ་ཏུ་བསྔགས་པར་མཛད།། གཙུབ་ཤིང་ལས་ནི་བྱུང་བའི་མེ།། དགེ་བ་ཡི་ནི་ལས་རྣམས་བྱེད།། གདོལ་པའམ་དུར
65a6 ཁྲོད་ལས་བྱུང་བར། ། མེ་ཡི་ལས་རྣམས་རབ་སྒྲུབ་པ།། ཐབ་ཁུང་ཟླུམ་པོ་གྲུ་བཞི་པ།། བླ་གམ་དང་ནི་ཟུར་གསུམ་པ།། དཀྱིལ་འཁོར་ཟུར་གྱི་ཁ་ཁྱེར་བ།། རྡོ་རྗེ་མཚན་མ་དག་གིས་བརྒྱན།
65a7 སྦྱིན་སྲེག་དེ་ཉིད་ཚུལ་རིག་པས།། ཐབ་ཁུང་རྣམས་ཀྱི་དབུས་སུ་ནི།། པདྨོ་སྟེང་གནས་གཙུག་ཏོར་དང་།། རྡོ་རྗེ་རིན་ཆེན་པདྨོ་གཞག། ཇི་ལྟར་རིགས་པར་འདུག་ནས་སུ།། ལག་གཉིས་པུས་མོའི
iiif viewer powered by OpenSeadragon
