| e-texts navigator |
| Wylie |
57a1 སྤྲོ། ། ཏིང་འཛིན་ཀུན་གྱི་དགའ་བ་ལ།། ལོངས་པར་སྤྱོད་པའི་སྡུག་པ་ཡིས།། འཁོར་ལོ་ལ་ནི་རྡོ་རྗེའི་གཟུགས།། པདྨའི་གཟུགས་ལ་དེ་དག་ནི།། འཁོར་ལོ་ཀུན་ལས
57a2 པདྨ་ཡི། ། ངོ་བོ་ཡི་ནི་རོལ་པ་དང་།། ཨེ་ཞེས་བྱ་བ་འཕོས་པ་ལས།། མདོག་ལྡན་བདག་ཉིད་གཟུགས་སུ་བྱ།། མཛེས་པའི་རྒྱན་ཉིད་ཀུན་ལྡན་པ།། ཉིད་ཀྱི་སྟན་ལ་བཞུགས་པར་བལྟ།
57a3 སྒེག་མོ་གླུ་དང་གར་རྣམས་དང་།། རྒྱལ་མཚན་ལ་སོགས་ཚོན་དགྱེ་དང་།། སིལ་སྙན་མཆོད་པའི་རྣམ་པ་ནི།། སྣ་ཚོགས་རྣམས་ཀྱིས་མཆོད་པར་བྱ།། རྣམ་པ་ཀུན་དང་ལྡན་པར་ནི།
57a4 བདག་ཉིད་ཀྱི་ནི་ལུས་བསྒོམས་ནས།། མྱུར་ཆེས་པ་དང་བུལ་བ་དང་།། མི་གསལ་གུག་ཀྱད་ཉམས་པ་དང་།། རྟོག་པ་ངན་པ་རྣམ་སྤངས་ནས།། དེ་ནས་གསང་སྔགས་བཟླས་བརྗོད་བྱ།།
57a5 བཟླས་པས་སྐྱོན་ལག་གཡས་ཀྱིས།། བསྒྲིམས་ཏེ་རྡོ་རྗེ་གསོར་ནས་ཀྱང་།། གཡོན་པས་རྡོ་རྗེ་དྲིལ་གསིལ་ཞིང་།། རྡོ་རྗེ་གྲུ་ཚུལ་སྣ་ཚོགས་དང་།། བ་ངན་ཚུལ་དུ་བྱ་བས་མཆོད།། བཟླས་པའི
57a6 མཇུག་ནི་བརྟུལ་ནས་ཀྱང་། ། གཤེགས་སུ་གསོལ་ཏེ་བདག་ཉིད་བསྲུངས།། ལུས་དང་ངག་དང་སེམས་བསྒོམས་ཏེ།། བརྟན་པོར་ཅི་བདེར་འགྲོ་བར་བྱ།། བར་ཆད་དུ་ནི་གྱུར་ན་ཡང་།། ཡི་གེ་བརྒྱ
57a7 པས་བྱིན་གྱིས་བརླབ། ། དེ་ལྟར་སྒོམ་པས་སྒོམ་བྱེད་པ།། རྡོ་རྗེ་ཐེག་པས་རབ་རྫོགས་པའི།། བྱང་ཆུབ་དེས་ནི་མྱུར་ཐོབ་ནས།། ཟླ་ཞིའི་དཀྱིལ་འཁོར་ལྟ་བུར་སྣང་།། སྣ་ཚོགས་ལས་ཀྱི་ཐོག
iiif viewer powered by OpenSeadragon
