| e-texts navigator |
| Wylie |
56a1 ཕྱོགས་བཅིངས་ཏེ། ། དམ་ཚིག་ཡང་དག་དབུལ་བར་བྱ།། གདན་རྣམས་སོ་སོར་ཕུལ་ནས་སུ།། མཆོད་ཡོན་དབུལ་བའི་སྦྱོར་བ་བྱ།། དབང་བསྐུར་མཚོན་ཆ་གོ་ཆ་སོགས།།
56a2 སིལ་སྙན་མཆོད་སོགས་ངོ་བོ་བྱ།། རྣམ་པ་ཀུན་གྱིས་མཉེས་པར་བྱ།། རྣལ་འབྱོར་བདག་ཉིད་ཅན་གྱིས་བརྟག། རྣལ་འབྱོར་རྣམ་གསུམ་ཤེས་བྱ་སྟེ།། བྱིན་གྱིས་བརླབས་དང་ཡོངས་བརྟགས་དང་།།
56a3 གཟུགས་གཉིས་རྫོགས་པར་གྱུར་པ་ནི།། རྣལ་འབྱོར་ཡིན་ཞེས་སངས་རྒྱས་གསུངས།། སྔགས་ཀྱིས་བྱིན་བརླབས་ང་རྒྱལ་བསྐྱེད།། རྣལ་འབྱོར་བྱིན་བརླབས་ཡིན་པར་གསུངས།། བྱང་ཆུབ་སེམས
56a4 ནི་དག་པ་དང་། ། གསང་སྔགས་ས་བོན་བསྐྱེད་པ་ཆེ།། ཕྱག་རྒྱའི་ཚོགས་སུ་བརྟགས་པ་ཡིན།། རིམ་གྱིས་གཟུགས་ནི་རྫོགས་བྱས་པ།། དེ་ནི་བརྟག་པར་བརྗོད་པ་སྟེ།། རྣལ་འབྱོར་ཆོ་ག་ཡིན་པར
56a5 གསུངས། ། བསྡུ་དང་སྤྲོ་བར་བྱས་པ་ལས།། རྣམ་པའི་མཆོག་ཀུན་ལྡན་པ་དག། སྐད་ཅིག་ཡེ་ཤེས་ཀྱིས་རྫོགས་པ།། རྫོགས་པའི་རྣལ་འབྱོར་ཞེས་བརྗོད་དོ།། དང་པོར་དམ་ཚིག་བྱིན་བརླབས་པར
56a6 རྣལ་འབྱོར་སྤྱོད་པ་བདག་གིས་བརྟགས། ། རབ་ཏུ་རྫོགས་པར་བྱ་བ་དག། འདི་ནི་རྣལ་འབྱོར་ཆོ་གར་བཤད།། ཉོན་མོངས་དྲི་མར་བྱས་པའི་སེམས།། བྱང་ཆུབ་སེམས་ཀྱིས་དག་བྱས་ཏེ།། དེ་ནི
56a7 རང་བཞིན་དག་པའོ་ཞེས། ། བརྗོད་ཅིང་ཐལ་མོ་གསུམ་གྱིས་སྦྱར།། དག་གྱུར་དེ་ནས་བློ་ཡིས་ནི།། སེམས་ལ་སོ་སོར་བརྟག་པར་བྱ།། སེམས་ལ་སོ་སོར་བརྟགས་ནས་ཀྱང་།། ཕྱི་རོལ་རང་བཞིན
iiif viewer powered by OpenSeadragon
