| e-texts navigator |
| Wylie |
54a1 མཁའ་བཞིན་རྣམ་རྟོག་ལས་གྲོལ་བ།། རྟོག་པ་རྣམས་ཀྱིས་རྣམ་པར་བརྟགས།། ཐབས་སུ་བརྟགས་པ་གང་ཡིན་དེས།། ཡེ་ཤེས་ཀྱིས་ནི་སྲས་པོ་ཀུན།། རྡོ་རྗེ་ཐེག་པ་བསྒོམས
54a2 པ་ཡིས། ། སངས་རྒྱས་ས་ཡང་ཐོབ་པར་འགྱུར།། ཞེས་སྨྲས་སོ།། བདེ་བ་ལས་འཁྲུངས་རྡོ་རྗེ་འཆང་བ་ཡིས།། དངོས་པོ་དངོས་མེད་འབྱུང་གནས་ཆེན་པོར་མཁྱེན།། དང་པོ་གང་དུ་རྣམ་པར་སྣང་མཛད་ནི།།
54a3 དག་ཅིང་དྲི་མེད་བློས་ནི་ཨོཾ་དུ་སྤྲུལ།། གཟུགས་མང་ཚུལ་གྱིས་འཕྲེང་བས་བསྐོར་བ་ཡི།། སྒྱུ་འཕྲུལ་དྲ་བ་ཁྱོད་ལ་ཕྱག་འཚལ་ལོ།། གསུང་སྙན་ཡི་གེ་ཀུན་ལ་ཁྱབ་པ་ཡི།། སྤྲོས་མེད་གསུང་དུ་འཇིག་རྟེན
54a4 དབང་ཕྱུག་བཞུགས། ། མིག་གསུམ་ལྷ་མོ་དང་བཅས་འདུལ་མཛད་པ།། སྒྱུ་འཕྲུལ་ཚུལ་མང་ལྡན་པ་འགའ་མ་མཆིས།། གང་དུ་བདེ་ཆེན་རང་བཞིན་རྗེས་ཆགས་པ།། ན་ཆུང་དག་དང་ལྷན་ཅིག་བཞད་མཛད
54a5 ཅིང་། ། གཡས་པའི་ཕྱག་གིས་རྡོ་རྗེ་གསོར་ནས་སུ།། གཡོན་པའི་ཕྱག་གིས་དྲིལ་བུ་སྒྲ་སྙན་འཁྲོལ།། ལྷ་མོ་མཐའ་དག་བཙུན་མོར་འགྱུར་བ་ཡི།། དམ་ཚིག་རྣམས་ཀྱིས་བྱ་བ་བྱས་པར་འགྱུར།། གཅིག
54a6 གི་ལག་པས་ཀུན་ནས་འཁྱུད་པ་སྟེ། ། གཉིས་པ་རྗེས་སུ་ཆགས་ཕྱིར་བདེ་བའི་མཐུ།། གསུམ་པ་མི་བཟོད་མེ་ཏོག་འཕྲེང་བ་འཐོར།། བཞི་པ་བདེ་བ་ཡིས་ནི་མདའ་ཡང་འཕེན།། གང་ཞིག་གླུ་འདི་ལེན
54a7 པར་བྱེད་པ་དག། བདེ་བའི་རྡོ་རྗེ་ཅན་དང་མཉམ་པར་འགྱུར།། འདི་ནི་སངས་རྒྱས་ཐམས་ཅད་མཉེས་པར་བྱེད་པའི་རྡོ་རྗེའི་གླུ་ཡིན་ནོ།། ཨོཾ་ཨ་ནུཏྟ་ར་སརྦ་པཱུ་ཛཱ་མ་གྷ་ཨུད་ག་ཀེ། སྥ་ར་ཎ་ཨི་མཾ་ག་ག་ན
iiif viewer powered by OpenSeadragon
