| e-texts navigator |
| Wylie |
52b1 རྒྱའོ། ། ཁུ་ཚུར་གཉིས་ཀྱིས་མཐེའུ་ཆུང་གཉིས་དཀྲིས་ལ་མཛུབ་མོ་གཉིས་གནིབས་ཏེ་བསྒྲེངས་ནས་བཟློག་ལ་དཔྲལ་བར་བཞག་པ་ནི་རྡོ་རྗེ་ཁྲག་འཐུང་གི་ཕྱག་རྒྱ་སྟེ། དུར་ཁྲོད་དུ་འཇུག་པ་ན་མཁའ་འགྲོ་མ་རྣམས
52b2 འཇིགས་པར་བྱེད་པའོ། ། གཡོན་པས་ཐོད་པ་བཟུང་ལ་གཡས་པས་མདུང་རྩེ་གསུམ་པ་ཐོགས་ནས་རལ་པ་བཅིངས་ཏེ་ཟླ་བས་བརྒྱན་ཅིང་མཚན་བསྒྲེང་ལ། མིག་གསུམ་པ་གར་བྱེད་པ་ནི་གར་ཐབས་ཀྱི་ཕྱག་རྒྱ
52b3 སྟེ། ། འདི་ནི་བདེ་བྱེད་ཀྱི་ཕྱག་རྒྱའོ།། གཡོན་པ་མི་འཇིགས་པར་བྱས་པ་ལས་སོར་མོ་རྣམས་ཅུང་ཟད་ཕྱེ་སྟེ་མཐེ་བོང་ལག་མཐིལ་དུ་གཞག། དེ་བཞིན་དུ་གཡས་པའི་ཁུ་ཚུར་དབྱུག་ཏོ་འཛིན་པ་ལྟར་བྱས་པ་ནི་ཁྱབ
52b4 འཇུག་གི་ཕྱག་རྒྱའོ། ། ལག་པ་གཉིས་བརྐྱང་ནས་པདྨའི་ཚུལ་དུ་བྱས་པ་ནི་ཚངས་པའི་ཕྱག་རྒྱའོ།། ལག་པ་གཉིས་ཐལ་མོ་ཁོང་སྟོང་དུ་སྦྱར་ཏེ་མེ་ཏོག་ལྟར་བྱས་པ་ནི་མ་མོ་རྣམས་ཀྱི་ཕྱག་རྒྱའོ།། རྡོ་རྗེ་ཁུ་ཚུར
52b5 གཉིས་ཀྱི་ནི། ། རྒྱབ་ཏུ་འདུད་པ་ལྟར་འདོར་ཞིང་།། རྡོ་རྗེ་སེམས་མ་ལ་སོགས་པའི།། རིན་ཆེན་ཅོད་པན་འཕྲེང་དབང་བསྐུར།། ཏིང་ངེ་འཛིན་གནས་པས་འཁོར་ལོ་ཅན།། འཁོར་ལོ་མངའ་བའི་ལྷ་རྣམས
52b6 ལ། ། སངས་རྒྱས་ས་ནི་རབ་འགེངས་པའི།། གསང་བའི་མཆོད་པ་འབྱུང་བར་བསམ།། འགྱུར་ཞིང་ཅུང་ཟད་འཇོ་ཚུལ་ཅན།། སྒེག་མོ་ཡི་ནི་ཕྱག་རྒྱ་ཡིས།། གར་གྱི་ཚུལ་དུ་བཀོད་ནས་ཀྱང་།། ཧཱུཾ་ཞེས
52b7 བྱ་བ་གླུར་བླངས་ཤིང་། ། དེ་ནས་སངས་རྒྱས་ཀུན་དགྱེས་པ།། རྡོ་རྗེ་རྒྱུད་ནི་སྦྲེང་བར་བྱ།། དེ་ནས་འཕྲེང་ཚུལ་འཕྲེང་བ་ཡིས།། ལྷ་རྣམས་ཀུན་ལ་བཅིང་བར་བྱ།། འཇོ་སྒེག་ཐབས་ལ་སྤྲོ་བ་ཡིས།།
iiif viewer powered by OpenSeadragon
