| e-texts navigator |
| Wylie |
51a1 ས་ལ་བརྐྱང་ནས་ལག་པ་གཡས་པའི་མཛུབ་མོ་དང་མཐེ་བོང་སྨད་ནས་ཞི་བའི་ཚུལ་དུ་བྱས་པ་ནི་སྒྲིབ་པ་ཐམས་ཅད་ངེས་པར་སེལ་བའི་ཕྱག་རྒྱའོ། ། གཡོན་པ་རྡོ་རྗེ་ཁུ་ཚུར
51a2 ལས་ཁྲོ་བོའི་མཛུབ་མོ་སྙིང་ཀར་བཞག་ལ་ཧཱུཾ་ཞེས་བྱ་ཞིང་། ལག་པ་གཡས་པའི་རྡོ་རྗེ་ཁུ་ཚུར་རྡེག་སྟངས་དང་བཅས་པ་ཕྱར་བ་ནི་རོ་ཁྲོད་ལོ་མ་ཅན་གྱི་ཕྱག་རྒྱའོ།། ལག་པ་གཡོན་པ་སོར་མོ་བརྐྱང་བ
51a3 ལས་མཛུབ་མོ་དང་མཐེ་བོང་སྐམ་པས་འཛིན་པའི་ཚུལ་དུ་བྱས་ལ། ལག་པ་གཡས་པ་ཁབ་ཀྱི་ཚུལ་གྱིས་འཚེ་བར་བྱེད་པ་རྣམས་ཀྱི་ཁ་མིག་འདྲུབ་པ་ནི་འོད་ཟེར་ཅན་མའི་ཕྱག་རྒྱའོ།། ལག་པ་གཉིས
51a4 སྤྱི་བོར་སྦྲུལ་མགོ་གདེངས་ཀའི་གདུགས་ལྟར་བྱས་ནས་ཕུད་ཅེས་བརྗོད་པ་ནི་དུག་སེལ་མའི་ཕྱག་རྒྱའོ། ། འདོད་པའི་རྒྱལ་པོའི་ཕྱག་གཉིས་ལས་མཛུབ་མོ་གཉིས་བསྒྲེངས་པ་ནི་རྡོ་རྗེ་ཧཱུཾ་མཛད་ཀྱི་ཕྱག་རྒྱའོ།།
51a5 དེ་ཉིད་ལས་གཡོས་པའི་ཁྲོ་བོའི་ལྕགས་ཀྱུ་ཡིས་ཛ་ཞེས་བྱས་པས་དགུག་པ་ནི་རྡོ་རྗེ་ཁྲོ་བོ་ལྕགས་ཀྱུས་དགུག་པ་སྟེ། དེ་བཞིན་གཤེགས་པ་ཐམས་ཅད་སྤྱན་འདྲེན་པ་སྟེ་རྡོ་རྗེ་ཁྲོ་བོའི་ལྕགས་ཀྱུའི་ཕྱག་རྒྱའོ།།
51a6 རྡོརྗེ་ཁུ་ཚུར་གཉིས་ཀྱི་མཐེའུ་ཆུང་མཆེ་བའི་ཚུལ་དུ་བྱས་པ་ལས་བསྣོལ་ཏེ་འགྲམ་པ་གཉིས་སུ་བཞག་ལ། ལྕེ་འཇིབ་ཅིང་ཁྲོ་བོའི་ལྟ་བས་བལྟ་བར་བྱ་བ་ནི་རྡོ་རྗེ་མཆེ་བའི་ཕྱག་རྒྱའོ།། དེ་ཉིད་ལས
51a7 མཐེའུ་ཆུང་གཉིས་བསྐུམ། མཛུབ་མོ་གཉིས་ལྕགས་ཀྱུའི་ཚུལ་དུ་བྱས་ནས་ཁའི་གྲཝར་བཞག་སྟེ་ཧཱུཾ་ཞེས་བྱ་ཞིང་ཁྲོ་བོའི་ལྟ་བས་ལུས་གཅུ་པ་ནི་རྡོ་རྗེ་མཁའ་འགྲོ་མའི་ཕྱག་རྒྱའོ།། ལག་པ་གཉིས་ཀྱིས
iiif viewer powered by OpenSeadragon
