| e-texts navigator |
| Wylie |
50b1 པ་གཡས་པ་གླང་པོ་ཆེའི་སྣ་ལྟར་བྱས་པ་ནི་སྤོས་ཀྱི་གླང་པོ་ཆེའི་ཕྱག་རྒྱའོ། ། གཡོན་པས་རྡོ་རྗེ་ཁུ་ཚུར་ནམ་མཁའ་ལ་བསྒྲེངས་པ། ལག་པ་གཡས་པའི་སོར་མོ་བ་དན་གྱི་ཚུལ་དུ་བྱས་པ་ནི་ཡེ་ཤེས་ཏོག་གི་ཕྱག
50b2 རྒྱའོ། ། བཟང་པོའི་འདུག་སྟངས་སུ་འདུག་སྟེ། ཐལ་མོ་ཁོང་སྟོང་དུ་སྦྱར་ཏེ་སྙིང་ཀར་བཞག་པ་ནི་བཟང་སྐྱོང་གི་ཕྱག་རྒྱའོ།། ལག་པ་གཉིས་ཆུ་རླབས་ཀྱི་ཚུལ་དུ་བརྐྱང་བ་ལས་སོར་མོ་རྣམས་ཆུ་རླབས
50b3 དྲང་བ་ནི་བློ་གྲོས་རྒྱ་མཚོའི་ཕྱག་རྒྱའོ། ། གཡོན་པ་རྡོ་རྗེ་ཁུ་ཚུར་སྙིང་ཀར་བཞག་ལ། གཡས་པ་མཆོག་སྦྱིན་པ་ནི་བློ་གྲོས་མི་ཟད་པའི་ཕྱག་རྒྱའོ།། གཡོན་པ་རྡོ་རྗེ་ཁུ་ཚུར་པང་དུ་བཞག་ལ། གཡས་པ་སེ་གོལ
50b4 གཏོགས་པའི་ཚུལ་དུ་བྱས་པ་ན་སྤོབས་པ་བརྩེགས་པའི་ཕྱག་རྒྱའོ། ། ལག་པ་གཉིས་པདྨ་ཅུང་ཟད་ཁ་བྱེ་བ་ལྟར་བྱས་པ་ནི་མཐུ་ཆེན་ཐོབ་ཀྱི་ཕྱག་རྒྱའོ།། ལག་པ་གཉིས་མེ་ཏོག་འདོར་བའི་ཚུལ་དུ་བྱས་པ་ནི་ངན
50b5 སོང་ཐམས་ཅད་སྤོང་བའི་ཕྱག་རྒྱའོ། ། ལག་པ་གཉིས་ཐལ་མོ་ཁོང་སྟོང་དུ་སྦྱར་བ་ལས་བསྣུན་པའི་ཚུལ་དུ་བྱས་པ་ནི་མྱ་ངན་ཐམས་ཅད་ཀྱི་མུན་པ་ངེས་པར་འཇོམས་པའི་བློ་གྲོས་ཀྱི་ཕྱག་རྒྱའོ།། ལག་པ་གཉིས
50b6 བརྐྱང་ནས་འཕྲོ་བའི་ཚུལ་དུ་བྱས་པ་ནི་དྲ་བ་ཅན་གྱི་འོད་ཀྱི་ཕྱག་རྒྱའོ། ། གཡས་པ་མཆོག་སྦྱིན་པར་བྱས་ལ། གཡོན་པ་ཟླ་བའི་ཚུལ་དུ་བྱས་པ་ནི་ཟླ་འོད་ཀྱི་ཕྱག་རྒྱའོ།། ལག་པ་གཉིས་བུམ་པའི་ཚུལ་དུ་བྱས
50b7 ནས་དབང་བསྐུར་བ་ནི་འོད་དཔག་མེད་ཀྱི་ཕྱག་རྒྱའོ། ། གཡོན་པ་རྡོ་རྗེ་ཁུ་ཚུར་བྱས་ལ་གཡས་པའི་ཁུ་ཚུར་ནམ་མཁའ་ལ་ཀུན་ཏུ་བསྐོར་བའི་ཚུལ་དུ་བྱས་པ་ནི་ནམ་མཁའ་མཛོད་ཀྱི་ཕྱག་རྒྱའོ།། གཡོན་པ
iiif viewer powered by OpenSeadragon
