| e-texts navigator |
| Wylie |
47a1 གནོན་པ་འདི་ཟློས་པ། ། དེར་ནི་བདག་ཅག་མི་མཆི་ཞིང་།། དེར་ནི་བསྲུང་བ་དག་ཀྱང་བགྱི།། དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོ་རྡོ་རྗེའི་དེ་བཞིན་གཤེགས་པས་བརྒྱ
47a2 བ་ཡིན་མངོན་པར་མཐོ་བའི་སྟོབས་ལྷ་མ་ཡིན་རྣམ་པར་འཇོམས་པས་རྣམ་པར་རྒྱལ་བའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རྒྱལ་མཚན་གྱི་རྩེ་མོའི་དཔུང་རྒྱན་གྱི་གཟུངས་ཆེན་པོ་འདི་གསུངས
47a3 སོ། ། ཨོཾ་བྷ་ག་བ་ཏཱི་དྷ་ཛ་གྲ་ཀེ་ཡུ་རེ་པ་ར་སི་ནྱ། བི་དྷཱ་ན་ས་ན་ཀ་སཱ་ས་ནྱ་པ་རི་ལ་ནི། ཨུ་ལཱུ་ཀཱ་མུ་ཁི། ཁ་ཁ་ཁཱ་བི་ཁཱ་ཧི་པ་ར་སྱཻ་ནཱ་མ། ཨ་ནནྟ་བྷུ་ཛ། ཨ་ནན་ཏ་མུ་ཁེ་པྲཱ་ས་ར་པྲ་བ་ར་ཧཱུ~ཾ་ཕཊ་ཕཊ་སྭཱཧཱ།
47a4 དེ་ནས་རིག་སྔགས་ཆེ་གསུངས་པས།། སངས་རྒྱས་ཞིང་རྣམས་གཡོས་པར་གྱུར།། བྱང་ཆུབ་སེམས་དཔའ་རབ་གཡོས་ཤིང་།། བདུད་ཀྱི་སྡེ་རྣམས་ཚིག་པར་གྱུར།། གནོད་སྦྱིན་སྲིན་པོ་གོས་བྲལ་ནས།། འཇིགས
47a5 ཤིང་སྐྲག་པར་གྱུར་པ་ཡིས། ། གཙོ་བོ་རྡོ་རྗེ་རྣམ་སྣང་དྲན།། བཅོམ་ལྡན་འདས་རིག་སྔགས་ཀྱི་རྒྱལ་མོའི་གཟི་བརྗིད་ཀྱིས་ཚིག་ལགས་ཏེ། བདག་ཅག་དམ་ཚིག་ལ་གནས་པར་འཚལ་ལགས་ན། མགོན་མཛད
47a6 ཅིང་ལུས་ཐམས་ཅད་རབ་ཏུ་བསྒྲུབས་ཏུ་གསོལ། དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོ་རྡོ་རྗེའི་དེ་བཞིན་གཤེགས་པས་མངལ་ཐམས་ཅད་ཡང་དག་པར་སྐྱེས་པས་ཁྱབ་པའི་རྡོ་རྗེ་ཞེས་བྱ་བའི་ཏིང་ངེ
47a7 འཛིན་ལ་སྙོམས་པར་ཞུགས་ནས་རིག་སྔགས་ཀྱི་རྒྱལ་མོ་ཆེན་མོ་སོ་སོ་འབྲང་མ་འདི་གསུངས་སོ། ། ཨོཾ་མ་ཎི་དྷ་རི་བཛྲ་ཎི་མ་ཧཱ་པྲ་ཏི་ས་རེ་སྭཱ་ཧཱ། རིག་སྔགས་ཆེན་མོ་གསུངས་པ་དང་།། རིག་སྔགས་རྒྱལ་མོའི
iiif viewer powered by OpenSeadragon
