| e-texts navigator |
| Wylie |
21a1 ལ་དབབ་པར་བྱའོ། ། རང་གི་མིང་ནས་སྨོས་ཏེ། ཧཱུཾ་ཞེས་བྱ་བའི་གསང་སྔགས་ཀྱི་སྒྲ་བརྗོད་ནས་འཁོར་ལོ་ཐམས་ཅད་ཀྱི་བླ་ན་མེད་པར་འགྱུར་རོ།། དེ་ནས་སའི་ལྷ་མོ་སྟ་གོན་དུ་གནས
21a2 པར་བྱ་བ་ནི། སྐྱོབ་པ་སངས་རྒྱས་ཐམས་ཅད་ཀྱི།། སྤྱོད་པའི་ཚུལ་དང་ཁྱད་པར་དང་།། ས་དང་ཕ་རོལ་ཕྱིན་པ་ལ།། ལྷ་མོ་ཁྱོད་ནི་དབང་དུ་གྱུར།། དངོས་གྲུབ་ཐམས་ཅད་ཐོབ་ཕྱིའི་ཕྱིར།། བདག
21a3 གིས་དཀྱིལ་འཁོར་བྲི་བར་བྱ། ། ཞེས་ལན་གསུམ་བརྗོད་དོ།། དེ་ནས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་སྟ་གོན་དུ་གནས་པར་བྱ་སྟེ། ཐུགས་བརྩེར་གནས་པའི་དགོངས་པ་ཅན།། སངས
21a4 རྒྱས་བདག་ལ་དགོངས་སུ་གསོལ། ། སྲས་དང་ལྷན་ཅིག་གཤེགས་ནས་ཀྱང་།། ས་གཞི་ཡོངས་སུ་གཟུང་བར་མཛོད།། དེ་ནས་འཁོར་ལོའི་དབུས་སུ་སྤོས་ཀྱི་དཀྱིལ་འཁོར་བྱས་ལ།། མཐའ་ཀུན་ཏུ་ཡང་མཚན
21a5 ནས་སྨོས་ཏེ་ཐིག་ལེར་བྱའོ། ། དེ་ལྟར་སྤྱན་དྲངས་ཏེ་མཆོད་པས་མཉེས་པར་བྱས་ནས་ཕྱིར་བྱུང་སྟེ་ཕྱོགས་ཀྱི་གཏོར་མ་སྦྱིན་ནོ།། དེ་ནས་སེམས་ཅན་སྟ་གོན་དུ་གནས་པར་བྱ་སྟེ་སྤོས་ཆུས་སྤྱི་བོར་བསང་གཏོར་བྱས་ནས།
21a6 ལག་པ་སྙིང་ཀར་བཀྲམ་ནས་སུ།། རྩེ་མེ་ལྔ་པརྒྱ་གྲམ་བྱ།། གཡས་པ་སྲུང་སྐུད་བཅིངས་ནས་སུ།། ལག་མཐིལ་སཾ་ཤིང་ཀུ་ཤ་སྦྱིན།། དེ་ནས་འདུག་སྟེ་གསུམ་ལ་སྐྱབས་སུ་གཏང་བ་དང་། སྡིག་པ་ཀུན་ཏུ་བཤམ།
21a7 པ་དང་། བསོད་ནམས་ཀྱི་རྗེས་སུ་ཡི་རང་བ་དང་། བདག་ཉིད་དབུལ་བ་དང་། བྱང་ཆུབ་ཏུ་ནི་སེམས་བསྐྱེད་པར་བྱའོ།། དེ་ལ་འདི་ནི་སྐྱབས་སུ་འགྲོ་བ་ཡིན་ཏེ། དཀོན་མཆོག་གསུམ་ལ་སྐྱབས་སུ་མཆི།
iiif viewer powered by OpenSeadragon
