| e-texts navigator |
| Wylie |
17b1 ལྡན་འདས་གནས་གཙང་མའི་སྟེང་ན། ཁང་པ་བརྩེགས་པ་རིན་པོ་ཆེའི་གཞལ་མེད་ཁང་ཆེན་པོ་བཀོད་པ། རྡོ་རྗེའི་ཀ་བས་བརྒྱན་པ། ཤིན་ཏུ་མཛེས་པའི་རིན་པོ་ཆེ་བཀོད་པས་རྣམ་པར་བཀྲ་བ། རྡོ་རྗེ་དྲིལ་བུ་འཁྲོལ
17b2 བ། ། ཡིད་ལས་བྱུང་བའི་མཆོད་པའི་ཁྱད་པར་ཆེན་པོས་བརྒྱན་པ། རྡོ་རྗེའི་འཁོར་ལོས་སྤྲས་པ། དེ་བཞིན་གཤེགས་པའི་སྤྲུལ་པའི་ཆ་བྱད་སྣ་ཚོགས་འཆང་བ་རྣམས་ཀྱི་དོན་གྱི་བྱ་བ་བྱས་པ། རྣམ་པར་སྣང་མཛད
17b3 ཀྱི་སྙིང་ལས་ཡང་དག་པར་འབྱུང་བའི་སྤྱོད་པ་བསྐྱོད་ནས། ཞལ་བཞིའི་སྒོའི་གོ་སྐབས་ནས་བྱུང་བ་སྣ་ཚོགས་དང་། རྡོ་རྗེ་དང་། རིན་པོ་ཆེ་ཆེན་པོ་དང་། འོད་དཔག་མེད་དང་། བྱང་ཆུབ་སེམས་དཔའ་སེམས
17b4 དཔའ་ཆེན་པོའི་ཚོགས་དང་། རིག་སྔགས་ཀྱི་ལྷ་མོ་རྣམས་ཀྱིས་བརྒྱན་པ། ཁྲོ་བོའི་རྒྱལ་པོ་དང་། བྲན་དང་། བྲན་མོ་དང་། ཕོ་ཉ་དང་། ཕོ་ཉ་མོ་དང་། ཕྱག་བརྙན་དང་། ཕྱག་བརྙན་མོ་དུ་མའི་འཁོར
17b5 གྱིས་བསྐོར་ཅིང་མདུན་གྱིས་བལྟས་པ། ཏིང་ངེ་འཛིན་གྱི་ཡེ་ཤེས་ཀྱི་བདེ་བའི་བདག་ཉིད་དང་དམིགས་པ་དང་བྲལ་བ། ཐུགས་རྗེ་ཆེན་པོས་མཉེས་གཤིན་པ། སེམས་ཅན་ཐམས་ཅད་བསྒྲལ་བ་ལ་བརྩོན
17b6 པར་མཛད་པ། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པ་ལ་སོགས་པ་མང་པོས
17b7 བརྒྱན་པ་ན། བཅོམ་ལྡན་འདས་རྣམ་པར་སྣང་མཛད་ཆེན་པོ་རྡོ་རྗེ་དེ་བཞིན་གཤེགས་པ་བཞུགས་སོ།། དེ་ནས་དེའི་ཚེ་བཅོམ་ལྡན་འདས་ཀྱིས་འཁོར་གྱི་ཁྱམས་ཀྱི་དབུས་ན་བྱང་ཆུབ་སེམས་དཔའ་སེམས་དཔའ་ཆེན་པོ
iiif viewer powered by OpenSeadragon
