| e-texts navigator |
| Wylie |
16a1 འཁོར་མི་ཟད་པར་འགྱུར་རོ།། སེམས་ཅན་ཐམས་ཅད་ཀྱི་མཆོག་ཏུ་གྱུར་པའི་སྨོན་ལམ་དང་ཡེ་ཤེས་དང་ཡང་དག་པར་ལྡན་པར་འགྱུར་རོ།། རང་བཞིན་གྱིས་ཀྱང་ཕ་རོལ་ཏུ་ཕྱིན་པ་དྲུག་གི་ཡོན་ཏན
16a2 དང་ཡང་དག་པར་ལྡན་པར་འགྱུར་རོ། ། ཚངས་པའི་གནས་བཞི་ལ་གནས་པར་འགྱུར་རོ།། དྲན་པ་དང་། ཤེས་བཞིན་དང་། ཐབས་དང་། སྟོབས་དང་། སྨོན་ལམ་དང་། ཡེ་ཤེས་དང་ཡང་དག་པར་ལྡན་པར་འགྱུར་རོ།།
16a3 བསྟན་བཅོས་ཐམས་ཅད་ལ་འཇིགས་པ་མེད་པ་དང་སྨྲ་མཁས་པར་ཡང་འགྱུར་རོ།། ཚིག་གསལ་བ་དང་། བླུན་པོ་མ་ཡིན་པ་དང་། བློ་གསལ་བར་འགྱུར་རོ།། མཁས་པ་དང་། ལེ་ལོ་མེད་པ་དང་། ཆོ་ག་ཤེས་པ་དང་།
16a4 དོན་ཆེ་བ་དང་། སྲིད་པ་མེད་པར་འགྱུར་རོ།། སེམས་ཅན་ཐམས་ཅད་ཀྱི་མཆོག་ཏུ་ཡིད་བརྟན་པར་བྱ་བ་དང་། སློབ་དཔོན་དང་། བླ་མ་བཀུར་བར་བྱ་བར་འགྱུར་རོ།། དེའི་སྔོན་མ་ཐོས་པའི་བཟོ་དང་། རྩིས་དང
16a5 ཤེས་པ་དང་། བསྟན་བཅོས་ཐམས་ཅད་ཀྱང་དོན་དང་གཞུང་ལས་རབ་ཏུ་གསལ་བ་ཡང་དག་པར་རྟོགས་པར་འགྱུར་རོ།། ཤིན་ཏུ་ཡོངས་སུ་དག་པའི་ཚུལ་ཁྲིམས་དང་། འཚོ་བ་དང་། ཀུན་ཏུ་སྤྱོད་པ་སྤྱོད་པ
16a6 དང་ལྡན་པར་འགྱུར་རོ། ། ལེགས་པར་རབ་ཏུ་འབྱུང་བ་དང་ལེགས་པར་བསྙེན་པར་རྫོགས་པར་འགྱུར་རོ།། ཐམས་ཅད་མཁྱེན་པ་ཉིད་བྱང་ཆུབ་ཀྱི་སེམས་རབ་ཏུ་བརྗེད་པ་མེད་པར་འགྱུར་རོ།། ཉན་ཐོས་དགྲ་བཅོམ
16a7 པ་དང་རང་སངས་རྒྱས་ཀྱི་ངེས་པ་དང་བགྲོད་པ་ལ་གནས་པར་ནམ་ཡང་མི་འགྱུར་རོ། ། འདི་ནི་འཁོར་ལོ་ལྔ་པའི་རྗེས་སུ་བསྔགས་པ་ལྔ་བཅུ་རྩ་གཅིག་གོ།། ལག་ན་རྡོ་རྗེ་རྡོ་རྗེ་འཆང་དེ་ལྟར་ཡོན་ཏན་དཔག་ཏུ་མེད་པ་དང་ཡང
iiif viewer powered by OpenSeadragon
