| e-texts navigator |
| Wylie |
15b1 དུ་སྐྱེ་བར་མི་འགྱུར་རོ། ། ཡུལ་མཐའ་འཁོབ་ཀྱི་སྐྱེ་བོར་སྐྱེ་བར་མི་འགྱུར་རོ།། དབང་པོ་དམན་པར་མི་འགྱུར་རོ།། དབང་པོ་མ་ཚང་བར་མི་འགྱུར་རོ།། ལོག་པར་ལྟ་བའི་རིགས་སུ་སྐྱེ་བར་མི་འགྱུར་རོ།།
15b2 སངས་རྒྱས་མི་བཞུགས་པའི་སངས་རྒྱས་ཀྱི་ཞིང་རྣམས་སུ་སྐྱེ་བར་མི་འགྱུར་རོ།། སངས་རྒྱས་འབྱུང་བ་དང་། དེས་བསྟན་པའི་ཆོས་སྤོང་བ་དང་ལྐོག་ཏུ་གྱུར་པར་མི་འགྱུར་རོ།། ལྷ་ཚེ་རིང་པོ་རྣམས་སུ་སྐྱེ
15b3 བར་མི་འགྱུར་རོ། ། མུ་གེ་དང་། ནད་དང་། མཚོན་གྱི་བསྐལ་པ་རྣམས་ལ་སྐྱེ་བར་མི་འགྱུར་རོ།། སྙིགས་མ་ལྔའི་དུས་རྣམས་ལ་སྐྱེ་བར་མི་འགྱུར་རོ།། རྒྱལ་པོ་དང་། ཆོམ་རྐུན་དང་། དགྲའི་འཇིགས
15b4 པ་འབྱུང་བར་མི་འགྱུར་རོ། ། རྒུད་པ་དང་དབུལ་བའི་འཇིགས་པ་ཐམས་ཅད་འབྱུང་བར་མི་འགྱུར་རོ།། མ་བསྔགས་པ་དང་། སྐུར་པ་འདེབས་པ་དང་། སྨོད་པ་དང་། མི་སྙན་པ་དང་། གྲགས་པ་ངན
15b5 པའི་འཇིགས་པ་འབྱུང་བར་མི་འགྱུར་རོ། ། སྐྱེ་བ་བཟང་པོ་དང་། རིགས་དང་། རུས་ཕུན་སུམ་ཚོགས་པ་འབྱུང་བར་འགྱུར་རོ།། ཀུན་ནས་མཛེས་པར་གྱུར་པ་དང་། གཟུགས་དང་། ཁ་དོག་ཡང་དག
15b6 པར་ལྡན་པར་འགྱུར་རོ། ། འཇིགས་རྟེན་པ་རྣམས་ཀྱི་སྡུག་པ་དང་། ཡིད་དང་ལ་འབབས་པ་དང་། འགྲོགས་ན་མཆོག་ཏུ་བདེ་བ་དང་། མཐོང་ན་དགའ་བར་འགྱུར་རོ།། འཇིག་རྟེན་པ་རྣམས་ཀྱི་མཛེས་པ་དང་།
15b7 སྐལ་བ་བཟང་པོ་དང་ལྡན་པ་དང་། ཚིག་གཟུང་བར་བྱ་བར་འགྱུར་རོ།། གང་དང་གང་དུ་སྐྱེ་བར་འགྱུར་བ་དེ་དང་དེར་སྐྱེ་བ་དྲན་པར་འགྱུར་རོ།། ལོངས་སྤྱོད་ཆེ་བ་དང་། འཁོར་མང་བ་དང་། ལོངས་སྤྱོད་མི་ཟད་པ་དང་།
iiif viewer powered by OpenSeadragon
