| e-texts navigator |
| Wylie |
112a1 འཁོར་ཁྲུ་བཞི་པ་མདོག་སེར་པོ་ལཾ་གྱིས་བྱིན་གྱིས་བརླབས་པ་བསམ་པར་བྱའོ། ། དེའི་སྟེང་དུ་དཔྲལ་བར་ཟླ་བའི་དཀྱིལ་འཁོར་རྣམ་པར་བསམ་པར་བྱའོ།། དེའི་དབུས
112a2 སུ་ཡི་གེ་བཾ་མགོ་འཐུར་དུ་གནས་པ་ལས་བདུད་རྩི་འཛག་པར་བསམ་སྟེ། འདི་ནི་ལེགས་པར་རྣམ་པར་བསམ་ནས་རླུང་གིས་མེ་རབ་ཏུ་སྦར་ཏེ། མེ་དེས་དབང་ཆེན་གྱི་དཀྱིལ་འཁོར་བསྲེགས་པར་རྣམ
112a3 པར་བསམ། དབང་ཆེན་གྱི་དཀྱིལ་འཁོར་གྱི་དྲོད་ཀྱིས་བདུད་རྩིའི་དཀྱིལ་འཁོར་དེ་བཞུ་བར་བསམ་པར་བྱའོ།། འདི་ཡི་སྦྱོར་བ་ཙམ་གྱིས་ནི།། དེ་ཡི་བུད་མེད་ཞུ་འགྱུར་ཏེ།། འོ་མ་ཡི་ནི་ཤིང་བཞིན་དུ།།
112a4 ཞུ་བར་བྱེད་པར་ཐེ་ཚོམ་མེད།། དེ་ནས་རྒྱལ་པོ་འམ་རྒྱལ་པོའི་བློན་པོ་དབང་དུ་བྱ་བར་འདོད་ན། སྔགས་པ་མ་ཧེའི་གདོང་ཅན་གྱི་རྣལ་འབྱོར་ལ་རབ་ཏུ་གནས་ལ། དེ་ཉིད་མདོག་དམར་པོར་བསམས
112a5 ཏེ། ། བསྒྲུབ་བྱ་གང་དུ་གནས་པ་དེའི་སྟེང་དུ་གནས་ལ། ཕྱི་ནས་རང་གི་ལུས་འཇམ་དཔལ་མདོག་དམར་པོ་ཕྱག་ན་ལྕགས་ཀྱུ་དང་ཞགས་པ་ཅན་ཕྱུང་སྟེ། འཇམ་དཔལ་དེས་བསྒྲུབ་བྱའི་སྙིང་ཁར་དང
112a6 མགྲིན་པ་བཅིངས་ནས་བཀུག་པར་བསམ་སྟེ། འཇམ་དཔལ་གྱི་སྐུ་ལ་རབ་ཏུ་གཞུག་གོ།། བསྒྲུབ་བྱ་དེ་མྱོས་པར་བསམ་པར་བྱ་སྟེ། དེའི་སྙིང་ཁར་ཡི་གེ་བཅུ་པའི་སྔགས་རྣམ་པར་བསམ་པར
112a7 བྱའོ། ། ཡང་ཁ་དོག་དམར་པོ་སྒྲུབ་པ་པོ་ས་ཡེ་ཤེས་ཀྱི་གཟུགས་ཀྱིས་ཡི་གེ་ལ་གཞུག་པར་བྱའོ།། དེ་དང་བསྒྲུབ་བྱ་གཅིག་ཏུ་གྱུར་པར་བྱའོ།། བསམ་གཏན་འདིའི་རབ་ཏུ་སྦྱོར་བས་ཉི་མ་བདུན་གྱིས
iiif viewer powered by OpenSeadragon
