| e-texts navigator |
| Wylie |
110a1 སེམས་དཔས་ཀྱང་མི་འགྲུབ།། གང་གི་མདུན་དུའང་སྔགས་པ་ཡིས།། དེ་ཕྱིར་ལས་རྣམས་མཐོང་མི་བྱ།། གཞན་དང་ལྷན་ཅིག་ཏུ་མི་བྱ།། གལ་ཏེ་སྔགས་པས
110a2 ལས་བྱ་འདོད། ། དེ་དག་གཅིག་པུ་ཞིག་གིས་བྱ།། སྔགས་པ་དེ་ཡིས་ལས་ཀུན་བྱེད།། འདི་ནི་འཇམ་དཔལ་འཇམ་པའི་མཆོག། རྡོ་རྗེ་འཇིགས་བྱེད་ཀྱི་རྣལ་འབྱོར་གྱི་རྒྱུད་ལས། སྦྱིན་སྲེག་གི
110a3 ལས་ཀྱི་ཆོ་ག་རྒྱ་ཆེ་བའི་རྟོག་པ་སྟེ་དྲུག་པའོ། ། །། དེ་ནས་བསམ་གཏན་གྱི་ལས་ཀྱི་ཆོ་ག་ཇི་ལྟ་བུ་ཡང་དག་པར་གསུངས་ཏེ། བསམ་གཏན་དང་སྔགས་ཀྱི་རབ་ཏུ་སྦྱོར་བ
110a4 ལས་དགོས་པ་ཐམས་ཅད་རབ་ཏུ་སྒྲུབ་པར་བྱེད་དེ། དེའི་ཆོ་གའི་དང་པོར་རེ་ཞིག་རྣལ་འབྱོར་པ་མ་ཧེའི་གདོང་པའི་སྦྱོར་བ་ལ་གནས་པའི་སྔོན་དུ་སྦྱང་བ་བྱས་པས་ལས་ཐམས་ཅད་བྱའོ།། རེ་ཕ
110a5 ལས་ཡོངས་སུ་གྱུར་པའི་མེའི་དཀྱིལ་འཁོར་ཀུན་ཏུ་གསལ་བར་འབར་བར་རྣམ་པར་བསམས་ལ། དེའི་སྟེང་དུ་བསྒྲུབ་བྱ་གཅེར་བུ་སྐྲ་བཤིག་པ། བྲེད་པར་གྱུར་པ་བདག་གི་མདུན་དུ་རྣམ་པར
110a6 བསམ་མོ། ། དེ་ནས་རང་གི་ལུས་ལས་ཁྲོ་བོའི་གཟུགས་མང་པོ་རྣམ་པར་སྤྲོས་ཏེ། ཁྲོ་བོ་དེ་རྣམས་ཀྱིས་རལ་གྲིས་བཏབ་ཅིང་ཁྲག་འཐུང་བར་བསམ་པར་བྱའོ།། བསྒྲུབ་བྱ་དེའི་ཤ་ཟ་བ་དང
110a7 རྒྱུ་མ་དྲངས་པར་བསམ་པར་བྱའོ། ། འདི་སྐད་སྨྲ་བར་བྱ་སྟེ། དཀོན་མཆོག་གསུམ་ལ་གནོད་པ་བྱེད་པ་དང་བླ་མ་ལ་སྐུར་པ་འདེབས་པ་ལ་རྒྱོབ་ཅིག་རྒྱོབ་ཅིག། སོད་ཅིག་སོད་ཅོག། བསམས
iiif viewer powered by OpenSeadragon
