| e-texts navigator |
| Wylie |
109b1 བརྒྱ་རྩ་བརྒྱད་བྱས་ན་བུད་མེད་ཐམས་ཅད་དབང་དུ་འགྱུར་རོ། ། དེ་ནས་བསྐྲད་པར་འདོད་ན་བྱ་རོག་གི་ཤ་མ་འདྲེས་པར་ཡི་གེ་བཅུ་པའི་སྔགས་ཀྱིས་གང་གི་མིང་དང་བཅས་པར་སྦྱིན་སྲེག་སྟོང་བྱས་ན
109b2 ཉིམ་བདུན་གྱིས་རྡོ་རྗེ་འཛིན་པ་ལྟ་བུའང་རབ་ཏུ་འབྲོས་ན། ཕྲ་མོའི་མཾ་ལྟ་ཙཾ་སྨོས། དེ་ནས་བྱ་རོག་གི་ཚང་དང་འབྲས་ཀྱི་ཕུབ་མ་དང་ལྷན་ཅིག་ཏུ་དྷ་དྷུ་རའི་ཤིང་ལ་མེ་རབ་ཏུ་སྦར་ནས། ཡི་གེ་བཅུ་པའི
109b3 སྔགས་གང་གི་མིང་དང་བཅས་པར་ནམ་བྱེད་ན་སྦྱིན་སྲེག་བྱས་ན། ཉི་མ་བདུན་གྱིས་སྐྲོད་པར་འགྱུར་རོ།། དེ་ནས་དབང་དུ་བྱ་བར་འདོད་ན་སེང་ལྡེང་གི་མེ་ལ་ཏིལ་དང་། འབྲས་དང་། བུད་མེད་ཀྱི་མེ་ཏོ
109b4 དང་ལྷན་ཅིག་ཏུ་རྡོ་རྗེའི་ཆུ་དང་བསྲེས་ཏེ། རྣལ་འབྱོར་གྱི་གཟུགས་དམར་པོ་དམིགས་ནས་ཁ་ནུབ་ཏུ་བལྟས་ཏེ། ཡི་གེ་བཅུ་པ་གང་གི་མིང་དང་བཅས་པར་སྔགས་པས་བསྲེགས་ན། ཉི་མ་བདུན་གྱིས
109b5 དབང་དུ་འདུས་ཏེ་དེ་ཇི་སྲིད་འཚོ་བའི་བར་དུ་མི་འབྲལ་ལོ། ། དེ་ནས་འགུགས་པར་འདོད་ན་བདུད་རྩི་མར་དང་བཅས་པར་སེང་ལྡེང་གི་མེ་ལ་གང་གི་མིང་དང་བཅས་པར་སྦྱིན་སྲེག་བརྒྱ་རྩ་བརྒྱད་བྱས་ན་དེ་སྐད
109b6 ཅིག་གིས་འོང་བར་འགྱུར་རོ། ། ལས་འདི་རྣམས་ནི་སྔོན་དུ་བསྙེན་པ་བྱས་པའི་སྔགས་པས་བྱའོ།། གཞན་པས་བྱས་ན་སྔགས་པ་འཇིག་རྟེན་པས་དཔྱས་པར་འགྱུར་རོ།། ཇི་ལྟར་བྱེ་བྲག་མི་བྱ་སྟེ།
109b7 གང་ལའང་བྱེ་བྲག་སྦྱིན་པར་མི་བྱའོ།། བྱེ་བྲག་ཕྱེ་ན་སྔགས་པས་དངོས་གྲུབ་མི་འགྲུབ་བོ།། ངས་རྒྱུད་གཞན་ལས་ཀྱང་བཤད་དེ། ཇི་ལྟར་བྱེ་བྲག་མ་སྐྱེས་པ། དེ་བཞིན་བྱ་བའི་བྱེ་བྲག་སྨྲས།
iiif viewer powered by OpenSeadragon
