| e-texts navigator |
| Wylie |
106b1 སམ། དུ་སྐྱེས་པའི་རས་སམ། དེ་མ་རྙེད་ན་རས་གང་ཡང་རུང་བ་ལ། རི་མོ་མཁན་བཟང་པོ་རྣམ་རྟོག་མེད་པ། མི་ཁྲོ་བ། གཙང་བ། མཁས་པ། ཡིད་གཞུངས་པ། དད་པ་དང་ལྡན་པ། བརྩེ་བ་ཅན
106b2 སྲེད་པ་དང་བྲལ་བ། འདི་ལྟར་ཡོན་ཏན་དང་ལྡན་པའོ།། དེ་ལྟ་བུའི་རི་མོ་མཁན་གྱི་ལག་པས་དཔའ་བོའི་རས་ལ་བྲི་བར་བྱའོ།། གལ་ཏེ་དངོས་གྲུབ་འདོད་པས་དཔའ་བོའི་ཡོན་སྦྱིན་ནོ།། དེ་ལ་ཆོ་ག་ནི་གསང
106b3 བའི་གནས་སུ་གནས་ལ། ཤིན་ཏུ་མཉམ་པར་གཞག་པས་བྲི་བར་བྱ་སྟེ། རི་མོ་མཁན་དང་སྒྲུབ་པ་པོས་མཐོང་བ་ལ་འཇིག་རྟེན་པ་གཞན་གྱིས་མི་མཐོང་བར་བྲི་བར་བྱ་སྟེ། ཞབས་བཅུ་དྲུག་པ། ཕྱག་སུམ
106b4 ཅུ་རྩ་བཞི་པ། ཞལ་དགུ་པ། བཅེར་བུ་ཁ་དོག་ནག་པོ་གཡོན་བརྐྱང་བ། འཇིགས་པ་ཆེན་པོ་ཡང་འཇིགས་པར་བྱེད་པའི་རྣམ་པ་ཅན། མཚན་མ་གྱེན་དུ་འགྲེང་བར་ཐང་འབྲི་བར་བྱའོ།། འལ་དང་པོ་མ།
106b5 རཱའི་གཡས་སུ་ཞལ་གསུམ་པ་སྟེ། སྔོན་པོ་དང་། དམར་པོ་དང་། སེར་པོ་ཤིན་ཏུ་ཁྲོས་པ་བྲི་བར་བྱའོ།། གཡོན་དུ་དཀར་པོ་དང་། དུད་ཁ་དང་། ནག་པོའོ།། དེ་གཉིས་ཀྱི་དབུས་སུ་རབ་ཏུ་དམར་པ
106b6 བྲི་བར་བྱའོ། ། དོའི་སྟེང་དུ་འཇམ་དཔལ་གྱི་ཞལ་སེར་པོ་ཅུང་ཟད་ཁྲོ་བ་བྲི་བར་བྱའོ།། ཕྱག་གཡས་པར་གྲྀ་གུག་དང་། མཚོན་རྩེ་གཅིག་པ་དང་། གཏུན་ཤིང་དང་། ཆུ་གྲི་དང་། རྡོ་རྗེ་རྩེ་གཅིག་པ
106b7 དང་། སཱ་རེ་དང་། མདུང་དང་། མངའ་དང་། ལྗགས་ཀྱུ་དང་དབྱིག་པོ་དང་། ཁ་ཊྭཱ~ཾ་ག་དང་། འཁོར་ལོ་དང་། རྡོ་རྗེ་དང་། རྡོ་མོ་པ་དང་། རལ་གྲི་དང་ཅང་ཏེའུའོ།། ཕྱག་གསོན་པ་མཐོད་པ་དང་།
iiif viewer powered by OpenSeadragon
