| e-texts navigator |
| Wylie |
102a1 རྣམ་པར་སྣང་མཛད་ཀྱི་གཟུགས་བརྙན་བྱས་ལ། དེའི་སྙིང་ཁར་འཁོར་ལོ་བཅུག་ནས་པའི་གནས་སུ་སོང་ལ་རོ་བསྲེགས་པའི་མེ་ལ་མཚོན་རྣོན་པོས་གཏུབས
102a2 ནས་རྣམ་པར་བརྩེགས་པའི་སྦྱོར་བས་རྣལ་འབྱོར་པ་གནས་ལ། རྣམ་པར་སྣང་མཛད་ཀྱིས་ལུས་བྱུགས་ཏེ། ཁ་ལྷོར་བལྟས་ནས་བསྲེགས་ན་དེ་མྱུར་དུ་འཆིའོ།། དེ་ནས་དཔྲལ་བའི་རབ་ཏུ
102a3 སྦྱོར་བ་བྱུང་བ་ནི་བྱ་རོག་དང་འུག་པའི་རུས་པ་བླངས་ལ། དེ་གཉིས་ལ་ལྕགས་ཀྱི་ཚེར་མས་བསྒྲུབ་བྱིའི་མིང་དང་ལྷན་ཅིག་ཏུ་ཡི་གེ་བཅུ་པའི་སྔགས་བྲིས་ལ། གཅིག་པུ་གནས་སུ་གནས་ཏེ།
102a4 གང་གི་མིང་དང་བཅས་པར་བཟླས་ཤིང་།། དེ་གཅིག་ལ་གཅིག་དྲུད་ན་འབྲལ་བར་འགྱུར་རོ།། དེ་ནས་གཤིན་རྗེའི་འཁོར་ལོ་གྲོ་གའི་འདབ་མ་ལ་བུད་མེད་དང་སྐྱེས་པའི་མིང་བྲིས་ནས་སྦལ་པའི་གསུས
102a5 པར་བཅུག་ནས། གང་གི་མིང་དང་བཅས་པ་ཐེམ་པའི་འོག་ཏུ་སྦས་ན། དེའི་ཡན་ལག་མཚོན་གྱིས་འབུགས་པར་འགྱུར་རོ།། དེ་ནས་བུ་མོ་རེངས་པའི་རབ་ཏུ་སྦྱོར་བ་འདི་གཤིན་རྗེའི་སྔགས་དུར་ཁྲོད
102a6 ཀྱི་རས་ལ་དུག་ལ་སོགས་པས་བྲིས་ལ། རོ་བསྲེགས་པའི་སོལ་བས་གཟུགས་བརྙན་མཐོ་གང་ཙམ་གྱི་ཚད་བརྩིགས་ལ། དེའི་སྙིང་ཁར་འཁོར་ལོ་བཅུག་ནས་རྐང་པ་གཡོན་པས་མནན་ལ
102a7 མ་ཧོའི་སྦྱོར་བས་ཆེ་གེ་མོའི་བུ་མོ་མྱུར་བར་རེངས་པར་གྱུར་ཅིག་ཅེས་ཡི་གེ་བཅུ་པའི་སྔགས་བཟླས་ན་རེངས་པར་འགྱུར་རོ། ། འདིའི་ལས་རྣམས་ནི་གཞན་སུ་ལའང་སྨྲ་བར་མི་བྱའོ།། གལ་ཏེ་སྔགས
iiif viewer powered by OpenSeadragon
