| e-texts navigator |
| Wylie |
101b1 བས་གང་གི་མིང་དང་བཅས་པ་ལེགས་པར་བྲིས་ལ་བཞག་ན་དེ་རེངས་པར་འགྱུར་རོ། ། གལ་ཏེ་སྔགས་པས་དབང་དུ་བྱ་བར་འདོད་ན་གྲོག་མཁར་གྱི་ས་དང་། གུར་ཀུམ་དང་། གིའུ་ཝང་དང
101b2 པབཔ་བླ་དང་། ཡུང་བ་རྣམས་ལྷན་ཅིག་ཏུ་བྱས་ཏེ། བསྒྲུབ་བྱ་པོ་འམ། གལ་ཏེ་མོའི་གཟུགས་བརྙན་ཚད་སོར་བཅུ་དྲུག་པ་བྱས་ལ། གེའུ་ཝང་དང་སྲིན་ལག་གི་ཁྲག་གིས་གྲོ་ག་ལ་གཤིན་རྗེའི
101b3 འཁོར་ལོ་བྲིས་ཏེ། དེའི་སྙིང་ཁར་བཅུག་ནས་རང་གི་ཁྱིམ་དུ་བཞག་ལ་མེ་ཏོག་དམར་པོས་དུས་གསུམ་དུ་དབུལ་བ་དང་། ཁ་ནུབ་ཏུ་བལྟས་ལ་ཡི་གེ་བཅུ་པིའི་སྔགས་བཟླས་པ་བྱས་ན། ཞག
101b4 བདུན་གྱིས་བརྒྱ་བྱིན་ཡང་དབང་དུ་འགྱུར་ན་ཡང་ཕྲ་མོའི་མི་ལྟ་ཅི་སྨོས། ། དེ་ནས་ཡང་འགུགས་པར་འདོད་ན། དེ་ལ་ཐོད་པ་ལ་འཁོར་ལོ་གིའུ་ཝ་བ་དང་སྲིན་ལག་གི་ཁྲག་གིས་བྲིས་ཏེ། སེང་ལྡེང
101b5 གི་མ་ལ་བསྲོ་ཞིང་གང་བྱ་བའི་མིང་དང་བཅས་པར་བཟླས་ན། དེ་སྐད་ཅིག་གིས་རླུང་ཀི་ཤུགས་བཞིན་དུ་འགུགས་པར་འགྱུར་རོ།། དེ་ནས་སྔགས་པས་མྱོས་པར་བྱ་འདོད་ན་དྷ་དུ་རའི་འབྲས་བུ
101b6 བླངས་ལ། ཤ་ཆེན་དང་ལྷན་ཅིག་ཏུ་ཤིང་སྲིན་གྱིས་ཟོས་པའི་ཕྱེ་མ་དང་བསྲེས་ནས་བཟའ་བ་དང་བཏུང་བ་ལ་སྦྱིན་ནོ།། སྔགས་ཀྱང་བཟླས་པ་བྱ་སྟེ། དེ་སྐད་ཅིག་གིས་སྨྱོ་བར་འགྱུར
101b7 ཞིང་ཞག་བདུན་གྱིས་འཆིའོ། ། དེ་ནས་གཞན་ཡང་རབ་ཏུ་སྦྱོར་བ་གསུངས་པ། གཤིན་རྗེའི་སྔགས་དུར་ཁྲོད་ཀྱི་རས་ལ་དུག་ལ་སོགས་པའི་རྫས་ཀྱིས་བྲིས་ཏེ། མར་མེཚོན་པོ་དང
iiif viewer powered by OpenSeadragon
