| e-texts navigator |
| Wylie |
398a1 གསུམ་པོ་མིང་མཐར་སྦྱར། ། ཨེ་ནི་ཀུན་ཏུ་གོ་བྱེད་དེ།། བཾ་ནི་ཀུན་ཏུ་རྟེན་པ་ཉིད།། མ་ནི་སྨིན་པར་བྱེད་པའི་ལས།། ཡ་ནི་ཡང་དག་བསྐྱེད་པར་བཤད།། གོ་འབྱེད་གཉིས་པའི
398a2 སྟེང་གནས་པའི། ། སྣ་ལྡན་དག་ཏུ་ཤེས་པར་བྱ།། དེ་ལས་ངེས་པར་བྱུང་བས་ན།། ཀུན་སྣང་གང་ཡིན་དངོས་དང་སྦྱར།། བསམ་པའི་དངོས་ལ་འཇུག་རྣམས་ཀྱི།། ཡན་ལག་ཐགས་རྣམས་ཐམས
398a3 ཅད་དུ། ། གོང་དུ་སྨོས་ནས་བརྗོད་པ་ཡིན།། དོན་དུ་གསལ་བར་ཟློས་པ་ཡི།། ཚིག་ནི་རྒྱས་པར་བརྗོད་མི་དགོས།། ལས་ལས་གྲུབ་པའི་གཟུགས་རྣམས་ལ།། དྲག་པོ་ཡོངས་སུ་སྟོན་པ་དང་།
398a4 གནོད་སྦྱིན་བེ་ཅོན་ཐོགས་རྣམས་ལ།། གཙོ་བོའི་དོན་དུ་བཤད་པས་ན།། ཚིག་ཏུ་ངེས་པར་ཡང་དག་བརྗོད།། ཁྱོད་ཀྱི་ལུང་འཆང་རབ་དག་པས།། དེ་ཉིད་རིགས་སུ་བྱུང་བ་སྟེ།། ཀུན་ཀྱང་དྲག་པོའི
398a5 ལས་ལ་དགའ། ། སྣང་བ་དག་པར་མི་མཐོང་བཞིན།། དེ་ཉིད་ལ་ནི་ངེས་པར་བརྗོད།། གོང་དུ་བསྟན་པ་གང་ཡིན་པ།། སོ་སོ་དག་ལ་གདོན་མི་ཟ།། སྦྱོར་བ་སྣ་ཚོགས་ངེས་བསྒྲུབས་ན།།
398a6 སྣང་བར་འབྱོར་པ་སྣ་ཚོགས་པ།། མངོན་དུ་རྒྱས་ཤིང་ངེས་པར་གསལ།། སྣང་བ་ཆེན་པོ་བདག་མེད་པར།། རྒྱུད་པས་ཡོངས་སུ་འགྲུབ་པ་ཡིན།། ཀུན་རྫོབ་གོང་མའི་ཚིག་ལྟ་བུར།། དངོས་པོ
398a7 བསྟན་པ་ལྟ་བུར་མཐོང་། ། དོན་དམ་འོག་མའི་སྒྲ་ལྟ་བུར།། ཉོན་མོངས་ཀུན་བསྲེགས་རང་བཞིན་གྱིས།། འོད་གསལ་བ་རུ་གནས་པ་ཡིམ།། སྙིང་པོ་དོན་དམ་ལ་འཇུག་པ།། ཕྱི་རེམ་ཀུན་རྫོབ་ལ་བརྟེན་བྱ།
iiif viewer powered by OpenSeadragon
