| e-texts navigator |
| Wylie |
372a1 ཐབས་བཀའ་སྩལ་དུ་གསོལ་ཞེས་གསོལ་བ་ལས། ལྷའི་དབང་པོ་དག་དབང་པོའི་ལག་པས་ནི་ལག་པ་ཆད་པ་སོས་པར་འགྱུར་རོ།། ཆུ་སྲིན་སྡེར་མོས་ནི་སེན་མོ་ཆག་པ་སོས
372a2 པར་འགྱུར་རོ། ། ནཱ་ག་གེ་སར་གྱིས་ནི་བྱང་ཆུབ་ཀྱི་སེམས་བསྐྱེད་པ་རྗེས་སུ་དྲན་པར་འགྱུར་རོ།། ན་ག་པུཥྤ་ས་ནི་ཀླུའི་གནས་མེ་ཏོག་གི་ནགས་ཚལ་དུ་འགྱུར་རོ།། གུ་གུལ་གྱི་དྲི་ཆེན་པོས་ནི་དེ་མ་ཡིན་པ
372a3 ཐམས་ཅད་བསྲེགས་ནས། ཀླུའི་སྣ་ལ་བསྣམས་པ་ཙམ་གྱིས་སྔོན་བྱང་ཆུབ་མཆོག་ཏུ་སེམས་བསྐྱེད་པ་དྲན་པར་འགྱུར་རོ།། འབྲས་ཡོས་ཀྱིས་ནི་ཀླུའི་ནད་ཐམས་ཅད་འཚོ་བར་འགྱུར་རོ།། ཐང་ཀ་བྱ་རྒྱུས་པུ
372a4 ཤེལ་གྱིས་ནི་རྩ་རྒྱུས་ཆད་པ་སོས་པར་འགྱུར་རོ། ། ག་པུར་གྱིས་ནི་རྩ་བའི་ནད་སོས་ནས་ལུས་ཀྱི་བཅུད་ཀུན་ཚིམ་པར་བྱེད་དོ།། དར་ལེ་བརྒན་གྱིས་ནི་ཀཱ་རུ་ཎས་འཇིགས་པ་ལས་སྐྱོབ་པར་བྱེད་དོ།། མཚན་དང་།
372a5 བྱེ་ཚན་དང་། གཅེར་བུ་དང་། རྒྱལ་པོའི་ཆད་པ་དང་། ས་གཡོ་བ་དང་། གཞན་གྱི་རིག་སྔགས་ཀྱིས་གནས་འགུལ་བ་དང་། ཕུར་བུས་འདེབས་པ་ལས་ཐར་པར་བྱེད་དོ།། མཚལ་གྱིས་ཁྲག་བསྐམས
372a6 པ་སོས་པར་བྱེད་དོ། ། དུང་གིས་རུས་པ་ཆག་པ་སོས་པར་བྱེད་དོ།། རས་སྐུང་དམར་པོས་ནི་སྲོག་འགགས་པ་ཚངས་པའི་ཚེ་དང་ལྡན་པར་བྱེད་དོ།། དཀར་དང་མངར་གྱིས་ཞལ་ཟས་རོ་མཆོག་བརྒྱ་དང་ལྡན
372a7 པར་བྱེད་དོ། ། དེ་དག་ཀུན་ཀྱང་རིན་པོ་ཆེའི་བུམ་པ་འམ། ཁམ་པོར་ལྟ་བུ་མཆུ་ལྔ་པར་བླུགས་ནས་སྦས་ན་གང་ཉམས་པ་དེ་སོས་པར་འགྱུར་རོ།། དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ལས།། ཀླུ
iiif viewer powered by OpenSeadragon
