| e-texts navigator |
| Wylie |
370b1 པའི་གསུང་དང་བརྗིད་པའི་སྐུ་ལས་འདི་སྐད་གསུངས་སོ། ། ཁྲོ་བའི་རྒྱལ་པོ་ང་ཉིད་ཀྱིས།། སྲིད་པ་གསུམ་ན་གནས་པ་ཡང་།། ཐམས་ཅད་མ་ལུས་ཟིལ་གྱིས་མནམ།། རིགས་པའི་ཀླུ་རྒྱལ་འཁོར་དང་བཅས།
370b2 གཟི་བྱིན་དྲག་པོས་མནན་པར་བྱ།། ང་ནི་མཐུ་སྟོབས་བདག་པོ་སྟེ།། རྔམ་པའི་གསུང་དང་བརྗིད་པའི་སྐུ།། ཕྱག་རྒྱ་དྲག་པོས་ཟིལ་གྱིས་མནན།། ཞེས་ཆེད་དུ་བརྗོད་པ་ཆེད་དུ་བརྗོད་ནས་བརྗིད་གནོན་གྱི་ཕྱག་རྒྱ
370b3 ཞེས་བྱ་བ་བཅས་ཏེ། ཕྱག་སོར་མོ་བསྣོལ་ཏེ་མཐེ་བོང་གཉིས་དང་མཐེའུ་ཆུང་གཉིས་སོ་སོར་རྩེ་སྤྲད་ནས་བརྐྱང་ངོ་།། ཕྱག་གི་མཐིལ་འཁོར་ལོ་ཅན་ཡང་ཐུར་དུ་བསྟན་ཏེ་ཤིན་ཏུ་མི་བཟད་པའི་སྔགས་བཀའ་སྩལ།
370b4 པ.ོཾ་བཛྲ་ཙཎྜ་བཛྲ་པཱ་ཎི། ཧཱུཾ་ཧཱུཾ། ག་རུ་ཌ་བྷཀྵེ། ཧཱུཾ་ཧཱུཾ། ཛེ་མཱ་ལ་བ་རི་ཙི། སྲི་ཙ་ཧཱུཾ་ཕཊ། ཅེས་ཆེད་དུ་བརྗོད་པས་དྲེགས་པ་ཅན་དང་ཀླུ་ཐམས་ཅད་མྱོས་རབ་ཏུ་མྱོས་ནས་བཀའ་བཞིན་བགྱིའོ་ཞེས་གསོལ་ཏོ།། དེ་དག
370b5 ཐམས་ཅད་ཀྱང་མྱོས་པའི་ཆུ་དྲག་པོ་འཐུངས་པ་ལྟ་བུ་འམ། སྐྱེས་བུ་གཉིས་ཀྱིས་གདུངས་པ་ལྟ་བུ་སྟེ། དེ་དག་ཐམས་ཅད་ཀྱིས་མགྲིན་གཅིག་ཏུ་གསོལ་པ། ཀྱེ་མགསང་བའི་བདག་པོ་བཅོམ་ལྡན་འདས། རིག
370b6 སྔགས་བདག་པོ་ཁྲོ་བོའི་རྒྱལ། ། ཁྱོད་ཀྱི་རིག་སྔགས་དམོད་པ་ཡིས།། ཤིན་ཏུ་མི་བཟང་རབ་ཏུ་མྱོས།། འབངས་སུ་མཆི་ཞིང་བཀའ་བཞིན་འཚལ།། ཐུགས་རྗེ་ཅན་གྱིས་བདག་ཅག་ལ།། རབ་ཏུ་དགོངས་ཤིང་འབང
370b7 སུ་མཆི། ། སྤང་མ་རྣམས་ལ་འཚེ་མི་བགྱིད།། ཅེས་དམ་བཅས་སོ།། དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ལས། དྲེགས་པ་ཅན་ཟིལ་གྱིས་མནན་པའི་ལེའུ་སྟེ་བརྒྱད་པའོ།།
iiif viewer powered by OpenSeadragon
