| e-texts navigator |
| Wylie |
369a1 ཤམ་ཐབས་བགོས་པ། ཉོན་མོངས་པ་ཕྲག་དོག་འདུལ་བར་བྱེད་པའི་རྟགས་སུ་གཟིག་གི་མགོ་དོས་བརྒྱན་པ། ཉོན་མོངས་པའི་འཁོར་བ་མ་སྤངས་པས་ཞིང་ཆེན་གྱི
369a2 གཡང་གཞི་གསོལ་བ། སྦྲུལ་དཀར་ཁྲས་དབུ་བརྒྱན་པ། སེར་ཁྲས་མགུར་ཆུ་བྱས་པ། དམར་ཁྲས་ཕྱག་གདུབ་བྱས་པ། ལྗང་ཁྲས་རྐེད་བཅིངས་བྱས་པ། ནག་ཁྲས་ཞབས་གདུབ་བྱས་པ།
369a3 དུག་གསུམ་ངང་གིས་མི་སྤོང་བར་ཉོན་མོངས་པའི་ཤ་ཁྲག་གསོལ་བ། སྐུ་དང་། གསུང་དང་། ཐུགས་དང་ལྡན་པའི་ཐོད་པ་སྐམ་པོ་དང་། རློན་པ་དང་། ནེ་འཕྲེང་གིས་སྐུ་ལ་བརྒྱན་པ།
369a4 ཆོས་ཉིད་སྐྱེ་བ་མེད་པའི་དོན་དང་ལྡན་ཞིང་། འཁོར་བ་ཁྲག་ཞག་དང་འདྲ་བ་ལ་ཐུགས་རྗེས་གཟིགས་པའི་ཕྱིར་ཞག་གི་ཐོ་རིས་ཀྱིས་སྐུ་ལ་བརྒྱན་པ། ཐེག་པ་ཆེན་པོའི་དབང་གིས་ཐམས་ཅད
369a5 འདུལ་བའི་ཕྱིར་ཐལ་ཆེན་གྱི་ཚོམ་བུས་སྐུ་ལ་བརྒྱན་པ། ཆོས་ཉིད་སྐྱེ་བ་མེད་པའི་དོན་དང་ལྡན་ཞིང་དབུ་འབར་བའི་ཆ་བྱད་དུ་སྣང་སྟེ། དབུ་སྐྲ་སྔོ་ནག་ལ་རལ་པའི་ཅོད་པན་གྱིས་བསྒྱིངས་པ། ཞབས
369a6 གཡས་པ་བརྗིད་པའི་ཚུལ་གྱིས་བསྐུམ་ནས་གནས་པ། ཞབས་གཡོན་པ་དྲག་པོའི་ཚུལ་གྱིས་བགྲད་ནས་གནས་པ། སྲོག་ལ་རྔམ་པའི་སྲིན་པོ་ཕོ་མོ་བརྫིས་པ། ཕྱག་གཡས་པ་ན་རྡོ་རྗེ་རྩེ་ལྔ་པ
369a7 རྡེག་པའི་ཚུལ་དུ་འཛིན་པ། གཡོན་པ་ན་སྡིགས་པའི་མཛུབ་མོ་ཕྱར་བ་དག་ཏུ་སྣང་བ་ཞེས་རྒྱ་གྲམ་དང་། རལ་གྲི་འབར་བས་ཡན་ལག་བཞི་ལ་ལས་ཀྱི་བྱེད་པ་པོར་དབང་བསྐུར་རོ།། དམ་རྫས་བདུད་རྩི
iiif viewer powered by OpenSeadragon
