| e-texts navigator |
| Wylie |
368b1 བོས་ཀྱང་། སྭཱ་སརྦ་ཏ་ཐཱ་ག་ཏ་རཏྣ་གུ་ཧྱ་ཨ་བྷི་ཥིཉྩ་མཱཾ། ཞེས་རྒྱ་གྲམ་དང་ལྟེ་བར་རིན་པོ་ཆེ་འབར་བ་གཞག་གོ། ལས་ཀྱི་རིགས་ཀྱི་བདག་པོས་ཀྱང་། ཧཱ་སརྦ་ཏ་ཐཱ་ག་ཏ་ཀརྨ་གུ་ཧྱ་ཨ་བྷི་ཥིཉྩམཱཾ།
368b2 ཡེ་ཤེས་ཀྱི་ཁྲོ་ཆུང་སྐུ་ཆུང་ལ་སྤྱན་ཆེ་བ། རྡོ་རྗེ་དང་སྡིགས་མཛུབ་འཛིན་པ། དཀར་པོ་དང་། དམར་པོ་དང་། སེར་པོ་དང་། ལྗང་ཁུ་དང་། མཐིང་ཁ་ལ་སོགས་ཏེ་སྣ་ཚོགས་པའི་ཁྲོ་ཆུང་འཐོན་ཏོ།།
368b3 འཐོན་པར་གྱུར་ཏོ།། དེ་དག་གི་བྱིན་གྱི་རླབས་ཀྱིས་ས་ཆེན་པོ་འདི་རྣམ་པ་དྲུག་ཏུ་གཡོས། རབ་ཏུ་གཡོས། ཀུན་ཏུ་རབ་ཏུ་གཡོས་པར་གྱུར་ཏོ།། སྲེག་པའི་བསྐལ་པའི་སྒྲ་ཙམ་ཡང་དྲུག་པར
368b4 གྱུར་ཏོ། ། དེ་དག་ཚུར་འདུས་ཤིང་ནམ་མཁའ་ལ་བབས་ནས་འཁོར་ལོ་འབར་བའི་ལྟེ་དབུས་སུ་གནས་པ་ལས་དེ་བཞིན་གཤེགས་པ་ཐམས་ཅད་ཀྱི་གསུང་ཅིག་གིས། རོ་ཤ་ཎ་ཡཀྵ་གྲྀཧྞ་གྲྀཧྞ
368b5 ཕཊ། ཅེས་གསུངས་པ་ལས་ཡེ་ཤེས་ཀྱི་ཁྲོ་བོ།། སྐུ་དུག་ཧ་ལ་ནག་པོའི་མདོག་ལྟར་འཚེར་བ། ཡེ་ཤེས་རྔམ་པའི་སྤྱན་གསུམ་བསྐལ་པའི་གློག་ལྟར་འཁྱུག་ཅིང་གདུག་པ་ཉི་མའི་འོད་ཟེར་བཞིན
368b6 གང་ལ་བལྟས་པ་བརླག་ནུས་ཤིང་ཚ་བ། སྨིན་མ་རྔམ་པའི་གློག་དྲག་པོ་བཞིན་སེར་ནག་ཏུ་འབར་བས་གཏི་མུག་དང་ཉོན་མོངས་པའི་མུན་པ་སེལ་བར་བྱེད་པ། སྨར་སེར་ནག་ལ་ཡེ་ཤེས་ཀྱི་མེ་འབར་བ།
368b7 ཉོན་མོངས་པའི་བག་ཆགས་སྲེག་པ། ཉོན་མོངས་པ་གཏི་མུག་འཇོམས་པར་བྱེད་པའི་གླང་པོ་ཆེའི་ཀོ་རློན་གསོལ་བ། ཉོན་མོངས་པའི་ཞེ་སྡང་འདུལ་བའི་རྟགས་སུ། གཅན་གཟན་གྱི་རྒྱལ་པོ་སྟག་གི
iiif viewer powered by OpenSeadragon
