| e-texts navigator |
| Wylie |
367b1 པའོ། ། དེ་ནས་ཐུགས་རྗེ་ཁྲོས་པའི་ཧཱུཾ་མཐིང་ནག་འོད་འབར་བ་ལས་དེ་བཞིན་གཤེགས་པ་ཀུན་གསུང་གཅིག་གིས་ཨ་བྷི་རོ་ཥ་ཎ་ཧཱུཾ་ཞེས་གསུངས་པ་ལས་ཁྲོ་གཉེར་བསྡུས།
367b2 ཤིང་ཞལ་བགྲང་བས་དུག་གསུམ་རྩད་ནས་གཅོད་པའི་མཆེ་བ་ཟུར་གསུམ་གཙིགས་པ། དེ་ལྟར་འབར་བའི་ཆ་བྱད་དུ་སྣང་བ་ཞིག་བྱུང་སྟེ། འཇིག་རྟེན་གྱི་ཁམས་ཆེན་པོ་གསུམ་གཡོས། རབ་ཏུ
367b3 གཡོས། ཀུན་ཏུ་གཡོས། ཀུན་ཏུ་རབ་ཏུ་གཡོས་པར་གྱུར་ཏོ།། དཔལ་རྡོ་རྗེ་གཏུམ་པོ་ཐམས་ཅད་གསང་བའི་རྒྱུད་ལས། འབར་བའི་ཁྲོ་བོ་ཁྲོས་པའི་ཚུལ་དུ་བསྐྱེད་པའི་ལེའུ་སྟེ་ལྔ་པའོ།།
367b4 ། དེའི་ཚེ་དེའི་དུས་ན་དུས་གསུམ་གྱི་ཐེག་པའི་བདག་པོ་ཐམས་ཅད་འདུས་ཏེ། ཡེ་ཤེས་ཀྱི་མཁའ་གསང་བའི་བུམ་པས་འབར་བའི་ཁྲོ་བོ་དེའི་ལུས་ཀུན་བཀྲུས་ཏེ་ཡེ་ཤེས་ཀྱི་བུམ་པའི་ཆུ
367b5 རྒྱུན་གྱིས་དབང་བསྐུར་རོ། ། དག་པར་འཁྲུ་བར་བྱེད་པའི་ཉེ་ཤིང་པ་དང་། སྒྲིབ་པ་སྦྱོང་ཞིང་ཀུན་ཏུ་སྐྱོབ་པར་བྱེད་པའི་ཕུར་མོང་གི་ཐལ་བ་དང་། ཆོས་ཉིད་ཀྱི་རྩི་དང་། ཡེ་ཤེས་ཀྱི་བཅུད་མར་ལ
367b6 སོགས་པས་འགྲོ་བ་རྣམས་ཀྱི་ཚུལ་དང་ལྡན་པའི་ཕྱིར་དབང་བསྐུར་རོ། ། ཡེ་ཤེས་ཀྱི་ཁྲོ་བོ་དེ་ལུས་ལ་སིམ་ཞིང་རྒྱས་ཏེ་བདེ་བ་སྐྱེས་པར་གྱུར་ཏེ། དེ་ནས་རིགས་ཐམས་ཅད་ཀྱི་བདག་པོ་སངས་རྒྱས་ལྔ
367b7 ཡུམ་དང་བཅས་པས་བདེ་བ་ལ་སྙོམས་པར་ཞུགས་ཏེ། གཉིས་སུ་མེད་པའི་མཁའ་ལས་ཡེ་ཤེས་ཀྱི་ཡིག་འབྲུ་ཁྲི་མཐིང་ཁ་དང་། ཁྲི་དཀར་པོ་དང་། ཁྲི་སེར་པོ་དང་། ཁྲི་དམར་པོ་དང་། ཝཾ་ལྗང་ཁུ་ད་།
iiif viewer powered by OpenSeadragon
