| e-texts navigator |
| Wylie |
363a1 འདོད་པ་ཐམས་ཅད་འགྲུབ་ཅིང་ཁམས་གསུམ་གྱི་དབང་ཕྱུག་ཏུ་འགྱུར་རོ། ། གསང་བའི་བདག་པོ་ང་ལ་ཉོན།། འཇིག་རྟེན་ཀུན་ལས་རྣམ་རྒྱལ་བའི།། སྐུ་ནི་སངས་རྒྱས
363a2 ཀུན་བདག་ཉིད། ། གང་གིས་བགོས་པར་འགྱུར་བ་ལས།། ཅི་འདོད་རྙེད་པར་བྱེད་པ་མཆོག། གལ་ཏེ་རྟོག་མེད་དེ་བྲལ་ན།། ཡེ་ཤེས་ཉིད་ནི་བླ་ན་མེད།། རྒྱལ་བའི་སྟོབས་ཀྱིས་རྟོགས་པར་བྱེད།།
363a3 ཉོན་མོངས་ཀུན་ལས་རྒྱལ་བྱེད་ཅིང་།། ནད་རྣམས་ཐམས་ཅད་ཟད་བྱེད་ཅིང་།། གལ་ཏེ་ནད་མེད་ནད་བཅས་བྱེད།། དབང་དང་རེངས་དང་དགུག་པ་དང་།། བརྒྱལ་དང་གསད་དང་དབང་ཕྱུག་དང་།།
363a4 ཞི་དང་སྲུང་དང་དཔལ་བྱེད་དང་།། ཕྱིར་རྒོལ་བ་རྣམས་བརླག་པ་ཡི།། ཕྲ་མོ་འགྲུབ་པ་སྨོས་ཅི་དགོས།། འཇིག་རྟེན་ལས་གྲོལ་བདེ་བའི་ལུས།། རྒྱལ་བའི་གསུང་གིས་ལེགས་ཐོབ་བོ།། སྐུ་ནི་འདིར
363a5 བརྗོད་མེད་པས་ཏེ། ། སྤྱོད་ཚུལ་རྣམས་ལས་འདས་པའོ།། མིང་དང་ཚོགས་ལས་རྣམས་འདས་ན།། ཉེར་ཞི་སྤྲོས་ལས་ཤིན་ཏུ་འདས།། ཚིག་གི་ཡུལ་ནི་རྣམ་པ་བྲལ།། རྡོ་རྗེ་སྒོ་ལ་དེ་དག་ནི།། ཏྲི
363a6 བཞིན་དོན་ནི་ཤེས་འགྱུར་གྱི། ། གཞན་དུ་བསྐལ་པ་སྟོང་དུ་ཡང་།། ཅིས་ཀྱང་ཤེས་པར་ག་ལ་ནུས།། གལ་ཏེ་དམིགས་པ་ཟད་འདོད་པས།། མི་དམིགས་སྤྲོས་མེད་གང་ཞིག་ལ།། རང་གི་སེམས་ཉིད
363a7 གཞག་པར་བྱ། ། དེ་ལ་ཐར་པས་གྲོལ་བའོ།། གལ་ཏེ་དགའ་འགྱུར་ཡིད་ཡོད་ན།། དངོས་འདི་ཤེས་པས་ཅི་སྟེ་སྟོང་།། དེ་སྟོང་སྤྲོས་དང་བྲལ་བ་ལ།། ཤེས་པ་ཉིད་ནི་ཅི་ལ་བརྟེན།། གསང་སྔགས
iiif viewer powered by OpenSeadragon
