| e-texts navigator |
| Wylie |
361b1 འདི་ལ་ནི། ། བརྒྱ་ནས་ཇི་སྲིད་སྟོང་གི་བར།། བརྗོད་ན་འགྲོ་བའི་དུག་ནད་སེལ།། གཞན་ཡང་གསང་སྔགས་རྒྱལ་པོ་ནི།། གསང་བའི་བདག་པོ་སྦྱོར་བ་དང་།། བཅས་པས་མང་དུ་བརྗོད་བྱས་ནས།།
361b2 བསྒྲུབས་པས་ཅི་ཡང་འགྲུབ་པར་འགྱུར།། ཟླ་བ་སྤྱང་ཀིས་བཟུང་དུས་སུ་དཔྲལ་བར་གོ་རོ་ཙ་ནས་ཐིག་ལེ་བྱས་ཏེ། ཁ་ཤར་ཕྱོགས་སུ་གྱུར་ནས་གསང་སྔགས་འདི་བརྗོད་ན་ཅི་འདོད་པ་དབང་དུ་བྱེད་དོ།།
361b3 ཡང་ཟླ་བ་འམ་ཉི་མ་ག་ཟས་བཟུང་བའི་ཚེ་ཀླུའི་གན་ནས་མི་ཁྲག་གིས་ལུས་བྱུགས་ཏེ་སྔགས་འདི་བརྗོད་ན་ཀླུ་ཐམས་ཅད་དབང་དུ་འགྱུར་རོ།། འདི་ལ་ཐེ་ཙོམ་མེད་དོ།། གཞན་ཡང་སྦྱོར་བ་བཤད་བྱ་བ།།
361b4 གུར་ཀུམ་དང་ནི་གིའུ་ཝང་གིས།། རྩིབས་བརྒྱད་པ་ཡི་འཁོར་ལོ་ལ།། དང་པོའི་སྔགས་བཞི་དག་དང་ནི།། ཐ་མའི་སྔགས་རྣམས་བྲི་བར་བྱ།། མུ་ཁྱུད་གཉིས་ལ་རྩ་བ་ཡི།། གས་སྔགས་རྒྱལ་པོར་རིམ་གྱིས
361b5 བྲི་རིན་ཆེན་སྣོད་བཞག་མཆོད་བྱས་ནས། ། གསང་སྔགས་སྟོང་སོགས་བརྗོད་ནས་ནི།། རྒྱལ་མཚན་རྩེ་ལ་གདགས་པར་བྱ།། གཞན་གྱི་རིག་སྔགས་གཅོད་པར་བྱེད།། གལ་ཏེ་ཆར་པ་དབབ་པར་འདོད་ན
361b6 སའི་དཀྱིལ་འཁོར་གྲུ་བཞི་པར་བྱས་ཏེ། དབུས་སུ་པདྨའི་འདབ་མ་བརྒྱད་པ་བྲིས་ལ། དེའི་སྟེང་དུ་ཀླུའི་རྒྱལ་པོ་བརྒྱད་ཀྱི་གཟུགས་བྱས་ཏེ་བཞག་ལ། རང་ཉིད་ཁྲོ་བོའི་རྒྱལ་པོ་གོས་སྔོན་པོ་ཅན་དུ་བྱས་ཏེ།
361b7 སྨན་སྣ་ཚོགས་དང་། འོ་མ་དང་། འབྲས་ཆན་དང་། ཞོ་ལ་སོགས་པ་རྣམས་དང་། ཀར་དང་བུ་རིམ་ལ་སོགས་པས་མཆོད་ནས་གོས་དཀར་པོ་བགོས་ཏེ། ཧཱུཾ་འབྲུག་གི་སྒྲལ་བུ་བརྗོད་པས་མགོ་འདྲེན་པའི
iiif viewer powered by OpenSeadragon
