| e-texts navigator |
| Wylie |
361a1 སྒྱུ་མ་ལྟ་བུའི་སྒྱུ་མའི་སྐུ།། སྒྱུ་མ་ཉིད་ལ་རྣམ་གྲོལ་ཚེ།། ཀྱེ་ཀྱེ་ཧ་ཧ་དཔའ་བོ་ཆེ།། གྲུ་ཡི་སྒྲར་གྱུར་འཇིགས་བྱེད་པོས།། གསང་བའི་བདག་པོ་རྡོ་རྗེ་ཅན།། ཉོན་མོངས་ལས་རྒྱས་འཇིག།
361a2 སུ་རུང་།། དབང་ཕྱུག་ཁམས་གསུམ་ལས་རྒྱལ་བའི།། དེ་བས་བརྩོན་ལྡན་གང་ཡིན་དེས།། ཤིན་ཏུ་སྒྲུབ་པས་བསྒྲུབ་པར་བྱ།། བསྟན་པའི་ཡིད་སོས་པར་བྱེད་པས།། རྒྱལ་བ་གསང་བའི་བདག་པོའོ།།
361a3 དེ་ནས་གསང་བའི་བདག་པོ་ཉིད་དངོས་གྲུབ་ངེས་པར་འབྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། སྐུ་དང་། གསུང་དང་། ཐུགས་རྣམ་པར་དག་པའི་རྡོ་རྗེ་ལས་བྱུང་བ། ཨོཾ་བཛྲ་པཱ་ཎི
361a4 སརྦ་ཨརྠ་སིདྷི་ཀུ་རུ་ཀུ་རུ་སྭཱ་ཧཱ། ལྷ་ཀླུ་མི་མིན་དྲི་ཟ་འམ།། ཡང་ན་མི་ཡི་བུ་མོ་ཡི།། དཔྲལ་བར་ཐིག་ལེ་བྲིས་ནས་ནི།། ལག་ཏུ་ལྕགས་ཀྱུ་ཐོགས་ལ་གཞག། དཀྱིལ་འཁོར་གྲུ་བཞི་ལྷམ་པ་ལ།། བརྟེན
361a5 ནས་བུམ་པས་བ་སྒྲུབ་པར་བྱ། ། རྣམ་པར་རྒྱལ་བའི་བུམ་པ་ནི།། སྨན་ལ་སོགས་པས་ལེགས་བཀང་ནས།། རས་ཀྱིས་དཀྲིས་ལ་གཞག་པར་བྱ།། རྒྱུན་དུ་དེ་ལས་བསྒྲུབས་གྱུར་ན།། ཞི་དང་རྒྱས་སོགས
361a6 དངོས་གྲུབ་དང་། ། གཞན་ཡང་དངོས་གྲུབ་འགྲུབ་པར་འགྱུར།། དེ་ནས་ཡང་གསང་བའི་བདག་པོ་མི་འགྱུར་བར་བྱེད་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དུག་ཐམས་ཅད་ཞི་བར་བྱེད་པའི
361a7 སྔགས་འདི་ཉིད་ཀྱི་སྐུ་དང་། གསུང་དང་། ཐུགས་རྡོ་རྗེ་ཡང་དག་པ་ལས་ངེས་པར་ཕྱུང་ངོ་།། ཨོཾ་ན་གུ་ནཱ་གེ་པྲོ་ཏིག་མ་ཎི།། ཙ་ར་པ་རཾ་ཡ་ར་བཱ་རཱ་ཧྱེ་ཧ་རེ་ནི་ཐཾ།། རིན་ཆེན་སྣོད་དུ་ཆུ་ཐུགས་ནས།། སྔགས་ཀྱི་རྒྱལ་པོ
iiif viewer powered by OpenSeadragon
