| e-texts navigator |
| Wylie |
360b1 བརྩོན་འགྲུས་ཤེས་རབ་ཆེ་བ་དེས།། རང་ཉིད་དང་ནི་གཞན་དག་ཏུ།། བདེ་ཞིང་ཉམས་དགའི་རི་ཕུག་གམ།། ཚལ་ལམ་མཚོ་འམ་ལྗོངས་རྣམས་སུ།། ས་ཡི་དཀྱིལ་འཁོར་རྣམ་དག་པར།། བྱས་ནས་དྲི་ཆུས
360b2 ལེགས་བྱུགས་ནས། ། བདེ་བའི་སྟན་ལ་འདུག་བྱས་ཏེ།། གསང་བའི་བདག་པོ་བསྒྲུབ་པར་བྱ།། གཞན་ནི་རི་ཁྲོད་རྩུབ་པ་འམ།། དུར་ཁྲོད་ཡ་མའི་ཁང་པ་ཡང་།། འཁྲུག་ཅིང་གཡེང་དང་བཅས་པ་དང་།
360b3 རྒྱལ་པོས་བཟུང་ཞིང་གཏུམ་མོ་རྒྱུ།། འཇིགས་པའི་ཕྱོགས་ནས་གང་དག་རྣམས།། རྒྱལ་བ་སྒྲུབ་པའི་གནས་ཡིན་ནོ།། དུས་འདིར་བྱུང་བའི་བློ་ཞན་རྣམས།། འཇིག་རྟེན་འདི་ཡི་གཡེང་བ་དང་།། ཆོ
360b4 གས་ཐམས་ཅད་སྐྱེད་པར་བྱེད། ། ཆགས་པའི་སྟོབས་ཀྱི་ཆོས་ཉིད་ནི།། ཡང་དག་མི་རྟོག་དེ་ནི་སྐྱོན།། སྤྲུལ་པའི་གླང་པོ་དང་མཚུངས་སོ།། སྟོང་ཉིད་སྤྲོས་མེད་རང་བཞིན་ལས།། སྒྱུ་མའི་སྐུ་ནི་ཡོངས
360b5 འབྱུང་ཞིང་། ། དང་པོ་སྟོང་ཉིད་རྡོ་རྗེ་སྟེ།། གཉིས་པ་ལ་ནི་ཡི་གེ་ཧཱུཾ།། གསུམ་པ་རྡོ་རྗེ་རྩེ་དགུ་པ།། བཞི་པ་བཅོམ་ལྡན་གསང་བའི་བདག། ལྔ་པ་ལྷ་ནི་ཡོངས་སུ་རྫོགས།། མེ་ལོང་དང་ནི་མཉམ་ཉིད་དང་།
360b6 ཆོས་དབྱིངས་ཡེ་ཤེས་ལས་གྲུབ་པའི།། སྐུ་ནི་ཡེ་ཤེས་བདག་ཉིད་དོ།། དེ་རྫོགས་ཡེ་ཤེས་ཆེན་པོའོ།། ཡེ་ཤེས་སྐུ་ལས་ཡེ་ཤེས་ཀྱིས།། སྤྲུལ་པའང་ཡེ་ཤེས་ཉིད་དུ་གནས།། འཁོར་བའི་ཉོན་མོངས་ལས
360b7 འདས་ནས། ། མི་རྟོག་ཡེ་ཤེས་ཕུང་པོ་ལ།། གསང་བའི་བདག་ཉིད་ལེགས་པར་བཞུགས།། རྣམ་གྲོལ་རྣམ་དག་གྲོལ་བའི་རྒྱུ།། སྔགས་དབྱིབས་ཆོས་བདག་དོན་རྣལ་འབྱོར།། སྐད་ཅིག་སྐད་ཅིག་ཡེ་ཤེས་ལས།།
iiif viewer powered by OpenSeadragon
