| e-texts navigator |
| Wylie |
360a1 ཀུན་འདུལ་ཕྱག་འཚལ་བསྟོད། ། ཇི་ལྟར་བསམ་པའི་དངོས་པོ་ཀུན།། ཁྱོད་ལས་འབྱུང་བས་མི་ཟད་གཏེར།། སྣ་ཚོགས་ཡིད་བཞིན་འཕྲུལ་པོ་ཆེ།། ཡིད་བཞིན་ནོར་བུ་ཁྱོད་ཕྱག
360a2 འཚལ། ། ནད་དང་རིམས་ཀྱི་གཤེད་པོ་མཛད།། ནོར་དང་ཟས་ཀྱི་བདག་པོ་མཛད།། འཇིགས་པ་ཀུན་ལས་སྐྱོབ་པར་མཛད།། བླ་མེད་སྐྱོབ་མཛད་ཁྱོད་ཕྱག་འཚལ།། ཞེས་བསྟོད་ནས་རྗེས་སུ་ཡི་རང་ངོ་།།
360a3 ལྷ་དང་། ཀླུ་དང་། གནོད་སྦྱིན་དང་། ལྷ་མ་ཡིན་ལ་སོགས་པའང་ཡིད་དགའ་བའི་མཆོད་པས་ཁྱབ་པར་གྱུར་ཏོ།། མི་ལ་སོགས་པའི་འཇིགས་པའི་ཉེན་དང་ལྡན་པ་ཐམས་ཅད་བདེ་བ་ལ་བཀོད་དོ།། ལེའུ་བཅོ
360a4 ལྔ་པའོ། ། །། འཕགས་པ་ལག་ན་རྡོ་རྗེ་གོས་སྔོན་པོ་ཅན་གྱི་ཆོ་ག་རྡོ་རྗེ་བེ་ཅོན་གྱི་རྒྱུད་རྫོགས་སོ།། ། དེ་ནས་གསང་བའི་བདག་པོས་འཁོར་དེ་དག་ལ་རྣམ་པར
360a5 གཟིགས་ནས་རང་ཉིད་མཁའ་དབྱིངས་རྣམ་པར་དག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། ། ཏིང་ངེ་འཛིན་དེ་ལ་སྙོམས་པར་ཞུགས་མ་ཐག་ཏུ་སྲིད་པ་གསུམ་ཡང་རྣམ་པར་གཡོས་སོ།།
360a6 དེ་ནས་རང་ཉིད་སྐུ་དང་། གསུང་དང་། ཐུགས་རྣམ་པར་དག་པའི་རྡོ་རྗེ་ལས་སྔགས་འདི་ཕྱུང་ངོ་།། ཨོཾ་ན་མོ། གསང་སྔགས་རྒྱལ་པོ་སྨྲས་ཙམ་གྱིས།། ས་སྟེང་ལྷ་རྣམས་བརྒྱལ་བར་གྱུར།། ཀླུ་རྣམས
360a7 ཀུན་ཏུ་སྐྲག་ནས་ནི། ། གསང་བདག་ཉིད་ལ་ཕྱག་འཚལ་ལོ།། སྙིང་རྗེ་ལྡན་ཞིང་མོས་པ་བརྟན།། གུས་ཤིང་བྱང་ཆུབ་སེམས་ལྡན་པའི།། ཕྱོགས་སུ་འགྲོ་བས་ཡིད་གནས་པའི།། ལྷ་དང་བླ་མ་མཉམ་མཆོད་ཅིང་།།
iiif viewer powered by OpenSeadragon
