| e-texts navigator |
| Wylie |
354a1 ཀྱུ་སྟེ་དྲག་པོ་མཐིང་ནག་རྩེ་གསུམ་པའོ། ། ཞི་བ་རྒྱུས་པ་སོར་བཞི་དང་།། ཁྲུ་དང་ཁྲུ་དོ་མཉམ་པའོ།། དབང་དང་དྲག་པོ་སོར་གསུམ་སྟེ།། ཁྲུ་དོ་ཁྲུ་གང་ཁྲུ་གསུམ་ཁྲུ།། འོ་མ་ཅན་དང་དྲི་ཞིམ
354a2 ཞིང་འབྲས་བུ་དང་བཅས་ཞི་རྒྱས་ཤིང་། ། ཚེར་མ་དུར་ཁྲོད་ཤིང་དག་ནི།། ཁ་དོག་དམར་ནག་དབང་དྲག་ལ།། ཀུ་ཤ་དག་ཀྱང་དགྲམ་བྱས་ཏེ།། ལས་ཀྱི་བུམ་པས་བསང་བར་བྱའོ།། ཞི་བ་ཞོ་དང་མར་དང་ནི།། འོ་མ་དྲི་ཞིམ
354a3 མེ་ཏོག་དཀར། ། འབྲས་དང་ནས་དང་གྲོ་དང་ནི།། ཞོ་ཡི་ཆ་དང་བསྲེས་པ་དབུལ།། རྒྱས་པ་ཞོ་སྦགས་དཀར་གསུམ་སྟེ།། མངར་གསུམ་འབྲས་བུ་གསུམ་དག་སྟེ།། ཡམ་ཤིང་འོ་མ་ལོ་འདབ་བཅས།། ཏིལ་ནི་དཀར་པོ
354a4 ཤིས་པའོ། ། ཁྭ་དང་འུག་པ་བྱ་རོག་བྲུན།། སྐེ་ཚེ་ནིམ་པ་ཉུངས་ཀར་དང་།། ཁྲག་གིས་སྦགས་པའི་རྫས་ཀུན་ཏེ།། ཡམ་ཤིང་ཚེར་མ་མར་དག་དང་། ཤ་དང་ཚིལ་དང་གཟུགས་བཅས་པ།། ཏིལ་ནི་ནག་པོ
354a5 ཤིས་པའོ། ། ཤར་དུ་བལྟས་ན་ཞི་བ་སྟེ།། བྱང་དུ་བལྟས་ན་རྒྱས་པའོ།། ནུབ་ཏུ་བལྟས་ན་དབང་དུ་སྡུད།། ལྷོ་རུ་བལྟས་ཏེ་གསད་པར་བྱའོ།། སྦྱིན་སྲེག་བྱས་པས་ལས་ཀུན་འགྲུབ།། གཡས་བརྐྱང་གར་གྱིས
354a6 གདུག་པ་སྟེ། ། གཡོན་བརྐྱང་བས་ནི་གསད་པའོ།། བུམ་པ་ཁ་དོག་སྔོན་པོ་སྟེ།། གནམ་ལྕགས་སོར་ནི་བཅུ་དྲུག་ཚད།། སྨན་ལྔ་འབྲུ་ལྔ་རིན་པོ་ཆེ།། འབྲས་གསུམ་འབྲུ་གསུམ་བཅས་པ་སྟེ།། དྲི་ཞིམ་ལོ་འདབ
354a7 བཅས་པའི་ཤིང་། ། བ་ཡི་རྣམ་ལྔ་ཁྲུ་དོ་ཚད།། གྲུ་བཞི་ཁྲུ་གང་ཟླུམ་པོ་སྟེ།། སེང་ལྡེང་བཞི་ལ་བྱས་པ་ཡི།། ཕུར་པ་ཚོན་སྣ་དང་བཅས་པའི།། དཀར་གསུམ་མངར་གསུམ་བཅས་པ་ཡི།། གདེངས་ཀ་ཅན་ལ་དབུལ་བར་བྱའོ།།
iiif viewer powered by OpenSeadragon
