| e-texts navigator |
| Wylie |
346b1 ཡེ་ཤེས་ཀྱི། ། ནམ་མཁའ་ལྟ་བུར་དྲི་མ་མེད།། ཅེས་སོ།། དེ་ནས་བཅོམ་ལྡན་འདས་ཕྱག་ན་རྡོ་རྗེ་ཏིང་ངེ་འཛིན་ལས་བཞེངས་ནས། རྡོ་རྗེ་ཆོས་ལ་བོས་པར་གྱུར་ཏོ།། སེམས་དཔའ་ཆེན་པོ་དམ་ཚིག་གང་ཡིན་པ་དེ་མཐོང
346b2 ངམས་བཅོམ་ལྡན་འདས་མཐོང་ལགས་སོ། ། དེ་ནས་བཅོམ་ལྡན་འདས་ཕྱག་ན་རྡོ་རྗེ་སྐྱེས་བུ་ཆེན་པོ་དེའི་སྐུ་དང་། གསུང་དང་། ཐུགས་ཀྱི་དབྱེ་བ་རིན་པོ་ཆེ་སྦོམ་བུ་ངེས་པར་རིག་ནས། དེ་བཞིན་གཤེགས་པ་ཐམས
346b3 ཅད་དང་བྱང་ཆུབ་སེམས་དཔའ་རྣམས་རང་གི་ཐུགས་སུ་ཞུགས་པར་མཛད་དོ། ། དེ་ཇི་ལྟ་བ་བཞིན་དུ་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས་རང་གི་སྐུ་དང་། གསུང་དང་། ཐུགས་ནམ
346b4 མཁའ་ལྟ་བུར་སྦྱོར་བས་ཡང་དག་པར་གནས་པར་གྱུར་ཏོ། ། དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་ཡོངས་སུ་དག་པའི་ངོ་བོ་ཉིད་ཀྱི་རྡོ་རྗེ་ཞེས་བྱ་བའི་ལེའུ་ཉི་ཤུ་རྩ་གཉིས་པ་རྫོགས་སོ།།
346b5 ། འཕགས་པ་གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བ་ཞེས་བྱ་བའི་རྟོག་པའི་རྒྱལ་པོ་ཆེན་པོ་རྫོགས་སོ།། །། མཁན་ཆེན་ཐར་པ་ལོ་ཙ་བའི་ཕྱག
346b6 དཔེའི་གསེབ་ནས་ཤོག་ཡར་ལྔ་བྱུང་བ་སྔར་བསྒྱུར་བ་ལས། ཕྱིས་ཉང་སྟོད་སྨོན་འགྲོའི་གཙུག་ལག་ཁང་ནས་རྒྱ་དཔེ་ལྷག་མ་རྣམས་རྙེད་ནས་བསྒྱུར་བར་རྩོམ་པ་ན། དཔལ་དུས་ཀྱི་འཁོར་ལོའི་ཕྱི་ནང་གཞན་གསུམ
346b7 གྱི་ཚུལ་ལ་མི་འཇིགས་པའི་སྤོབས་པ་ཐོབ་པའི་བླ་མ་ཡང་དག་པའི་དགེ་བའི་བཤེས་གཉེན་ཆེན་པོ། ལེགས་པར་སྦྱར་བའི་སྐད་ཀྱི་བརྡ་སྤྲོད་པའི་ཚུལ་ལ་བློ་གྲོས་ཤིན་ཏུ་བྱང་བའི་འཇིག་རྟེན་གྱི་མིག་ཆོས་གྲགས་དཔལ
iiif viewer powered by OpenSeadragon
