| e-texts navigator |
| Wylie |
345a1 མཛད་དོ། ། གསང་བ་དག་པ་དམིགས་པ་མེད།། ཡེ་ཤེས་ཡོན་ཏན་ཀུན་གྱི་གཞི།། ཀུན་ནས་ཡེ་ཤེས་བདག་མེད་པ།། གསང་བའི་ཡེ་ཤེས་ཕྱག་འཚལ་བསྟོད།། གསང་བའི་དེ་ཉིད
345a2 དོན་དང་ལྡན། ། མཆོག་གི་སྤྱོད་པ་རྒྱ་མཚོ་ཆེ།། ཀུན་ནས་འདོད་པ་ཡང་དག་འབྱུང་།། རྡོ་རྗེ་ཡེ་ཤེས་ཕྱག་འཚལ་བསྟོད།། གཙོ་བོའི་ཡེ་ཤེས་ཇི་ལྟར་གནས།། རྡོ་རྗེ་མི་ཕྱེད་གསུམ་གནས་པ།། རིགས་ཀྱི་ཕ
345a3 རོལ་ཕྱིན་པ་ཐོབ། ། བྱང་ཆུབ་སྤྱོད་ལ་ཕྱག་འཚལ་བསྟོད།། སེམས་ཅན་ཀུན་སྐྱེས་ཅན་གྱི་མཆོག། སངས་རྒྱས་བྱང་ཆུབ་རབ་བཞུགས་མཛད།། རང་བཞིན་དག་པ་དག་པའི་མཆོག། སེམས་ཅན་སྐྱོབ་ལ
345a4 ཕྱག་འཚལ་བསྟོད། ། ཆོས་སྐུ་ཐར་པ་ཆེན་པོ་སྟེ།། ཡིད་བཞིན་ནོར་བུ་མཐོང་བ་ཆེ།། སེམས་ཅན་ཀུན་དགྱེས་བྱེད་པ་པོ།། དག་པའི་སྤྱོད་ལ་ཕྱག་འཚལ་བསྟོད།། དེ་ནས་ཡང་ཡིད་བཞིན་ནོར་བུའི་དམ་ཚིག
345a5 རྡོ་རྗེ་ཞེས་བྱ་བའི་བྱང་ཆུབ་སེམས་དཔས། ཕྱག་ན་རྡོ་རྗེ་བྱང་ཆུབ་སེམས་དཔའ་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བྱང་ཆུབ་སེམས་དཔའ་དེའི་མཐོང་བའི་ཆོས་ཀྱི་ཡོན་ཏན་གྱི་ཁྱད་པར
345a6 སོ་སོར་འདོད་པར་བྱ་བ་གང་ཇི་ལྟར་ལགས། དེ་ནས་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་བདག་པོས། བྱང་ཆུབ་སེམས་དཔའ་དེ་ལ་འདི་སྐད་ཅེས་བཀའ་སྩལ་ཏོ།། ཐེ་ཚོམ་མེད་པར་མཉམ
345a7 པར་ཤེས། ། སངས་རྒྱས་ཆོས་སྐུ་འདོང་བར་བྱ།། ཐེ་ཚོམ་མེད་པར་འདུ་ཤེས་པ།། ཆོས་རྣམས་ཐམས་ཅད་འདོད་པར་བྱ།། ཐེ་ཚོམ་མེད་པར་འདུ་ཤེས་པ།། འདུ་བྱས་ཐམས་ཅད་འདོད་པར་བྱ།། འདི་ལྟ་སྟེ།
iiif viewer powered by OpenSeadragon
