| e-texts navigator |
| Wylie |
343a1 ཞེས་བྱ་བའི་ཏིང་འཛིན་ནོ། ། དེ་ནས་བཅོམ་ལྡན་འདས་ཕྱག་ན་རྡོ་རྗེས་རྡོ་རྗེ་འཛིན་པ་ཐམས་ཅད་ཀྱི་དམ་ཚིག་གི་དེ་ཁོ་ན་ཉིད་བྱིན་གྱིས་རློབ་པ་ཞེས་བྱ་བའི་ཏིང་འཛིན་ལ་སྙོམས
343a2 པར་ཞུགས་ཏེ། རྡོ་རྗེ་ཐམས་ཅད་ཀྱི་དམ་ཚིག་གི་སྙིང་པོ་འབྱུང་བ་རྡོ་རྗེ་ཞེས་བྱ་བ་འདི་གསུངས་སོ།། རྡོ་རྗེའི་དཀྱིལ་འཁོར་ཚུལ་གྱིས་ནི།། དབུས་སུ་གཟུགས་ནི་རབ་བརྟག་བྱ།། ནག་པོ་ཤིན་ཏུ་རྣམ
343a3 འགྱུར་བ། ། མ་རུངས་ཞལ་ནི་རྣམ་པར་གདངས།། མེ་སྟག་འཐིབས་པོ་འབར་བ་སྟེ།། འཇིགས་པ་ཡང་ནི་འཇིགས་པར་བྱེད།། ཕྱག་བཞི་པ་སྟེ་རབ་འབད་པས།། དབང་པོ་གཉིས་ཀྱི་རབ་སྦྱོར་ལས།།
343a4 འདི་ནི་རྡོ་རྗེ་ཚུལ་བསྟན་པའོ།། རྡོ་རྗེ་ཐུགས་སོགས་ཡང་དག་གྲུབ།། རབ་ཏུ་གནས་པས་དེ་བསྒྲུབ་བྱ།། འདོད་ཆགས་རྡོ་རྗེ་རབ་བསྐུལ་བས།། དངོས་གྲུབ་ཐམས་ཅད་བསྒྲུབ་པར་བྱ།། རྡོ་རྗེ་དམ་ཚིག་ཅེས
343a5 བྱ་བའི་ཏིང་ངེ་འཛིན་ཏོ། ། དེ་ནས་བཅོམ་ལྡན་འདས་ཕྱག་ན་རྡོ་རྗེས་ཆོས་ཐམས་ཅད་འཆང་བའི་དམ་ཚིག་བྱིན་གྱིས་རློབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཆོས་འཆང་བའི་དཔལ
343a6 ཞེས་བྱ་བ་འདི་གསུངས་སོ། ། ཆོས་ཀྱི་དཀྱིལ་འཁོར་སྦྱོར་བ་ལས།། དབུས་སུ་གཟུགས་ནི་རྣམ་བསྒོམ་བྱ།། དམར་པོ་འདོད་ཆགས་འཛིན་པ་འབར།། སྣ་ཚོགས་རྒྱན་གྱིས་བརྒྱན་པ་ཡི།། ཕྱག་བཞི་པ་ལ
343a7 ཡིད་འོང་བ། ། དབང་པོ་གཉིས་ཀྱི་རབ་སྦྱོར་བས།། འདི་ཡི་ཆོ་ག་བསྒོམས་པ་ནི།། འདི་ནི་འདོད་ཆགས་ཚུལ་བསྟན་པའོ།། གསུང་གི་རྡོ་རྗེ་གཙོ་དངོས་གྲུབ།། རྡོ་རྗེ་ཆོས་རབ་སྦྱོར་སོགས་ཀྱིས།། སྙིང་རྗེའི་བདག
iiif viewer powered by OpenSeadragon
