| e-texts navigator |
| Wylie |
342b1 བཅོམ་ལྡན་འདས་གསང་བའི་སྦྱིན་སྲེག་རྡོ་རྗེ་འཆང་ཆེན་པོས་དེ་སྐད་ཅེས་གསུངས་སོ།། གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པའི་རྒྱལ་པོ་ཆེན་པོར། དེ་བཞིན་གཤེགས་པ་ཐམས་ཅད་ཀྱི
342b2 སྔགས་ཡིད་བཞིན་གྱི་ནོར་བུའི་ལེའུ་སྟེ་ཉི་ཤུ་པ་རྫོགས་སོ། ། །། དེ་ནས་བཅོམ་ལྡན་འདས་ཕྱུཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་སྟོབས་ཀྱི་སྔགས་ཀུན
342b3 ལས་བཏུས་པ་ཞེས་བྱ་བའི་སྙིང་པོའི་ལེའུ་འདི་གསུངས་སོ། ། སངས་རྒྱས་རྡོ་རྗེ་ཆོས་ཆེན་པོ།། འདོད་པའི་དམ་ཚིག་དགྱེས་པ་པོ།། སྔགས་རྣམས་ཐམས་ཅད་ཡང་དག་དམིགས།། དེ་ཡི་བསམ
342b4 གཏན་རབ་བསྐུལ་བྱ། ། དམ་ཚིག་ཡེ་ཤེས་སངས་རྒྱས་ཀུན།། རིགས་དམིགས་དཀྱིལ་འཁོར་ཚུལ་གྱིས་ནི།། གཟུགས་ནི་སངས་རྒྱས་མཚུངས་པའི་འོད།། ཨོཾ་ཡིག་ཡེ་ཤེས་དབྱེ་བ་ཡིས།། འདི
342b5 ནི་རྡོ་རྗེའི་ཚུལ་བསྟན་པའོ། ། རལ་པའི་ཅོད་པན་ལོངས་སྤྱོད་པ།། ཁ་དོག་དཀར་པོ་ཤིན་ཏུ་མཛེས།། ཕྱག་བཞི་པ་ལ་སྤྱན་ཡངས་པ།། མེ་སྟག་འཐིབས་པས་ཀུན་ཏུ་འཁྲུག། རྣལ་འབྱོར་མཆོད
342b6 ཕྱིར་ཐོག་ལ་སོགས། བརྒྱན་ཅིང་དཀྱིལ་འཁོར་ལ་སོགས་པ།། ཅོད་པན་དུ་ནི་རྡོ་རྗེ་སེམས།། མཛེས་པའི་གཟུགས་ནི་རྒྱལ་བའི་གཞི།། དབང་པོ་གཉིས་ནི་རབ་སྦྱོར་བས།། འདི་ནི་བསམ་གཏན་ཚུལ
342b7 མཆོག་གོ། སྐུ་ཡི་རྡོ་རྗེ་སྦྱོར་སོགས་ཀྱིས།། མངོན་ཤེས་ལྔ་ཡི་རབ་སྦྱོར་ལས།། རྐང་གཉིས་མཆོག་དེ་ཉིད་ཤེས་པས།། ཐོད་པ་ཅན་གྱིས་གཙོ་བོ་བརྗོད།། སངས་རྒྱས་ཀུན་གྱི་འདི་ཡེ་ཤེས།། རིགས
iiif viewer powered by OpenSeadragon
