| e-texts navigator |
| Wylie |
341a1 འདི་ནི་རེངས་པར་བྱེད་པའི་མཆོག། དུས་རྣམས་ཀུན་ཏུ་རྣམ་བསྒོམས་ནས།། ངེས་པར་བསྐལ་པར་དེ་གནས་འགྱུར།། ཆོ་ག་ཤེས་པས་མི་བསྐྱོད་སོགས།། ཉི་མའི་དཀྱིལ་འཁོར་ལ་དགོད།།
341a2 བྱ་རིགས་ཀྱི་དབང་ཕྱུག་རྣམ་བསྒོམས་ན།། ཟླ་བའི་དཀྱིལ་འཁོར་དགོད་པ་ནི།། ཐོག་མ་ཐ་མར་བསམ་གཏན་འདི།། བཞི་ཡི་དབུས་སུ་བསམ་པར་བྱ།། དེ་ཡིས་སངས་རྒྱས་ཉིད་སྒྲུབ་ན།། ཡུན་མི་རིང
341a3 བར་སངས་རྒྱས་འགྱུར། ། དེ་ཡི་རང་གི་སྔགས་ཀྱི་མཆོག། ཕྱག་རྒྱ་ཤེས་ནས་སྒྲུབ་པ་པོ།། ཆོ་ག་ཤེས་པས་བསྐྱེད་པར་བྱ།། མྱུར་དུ་འགྲུབ་བྱེད་གཞན་དུ་མིན།། ཕྱག་རྒྱ་ཆེན་པོར་རབ་བསྒོམས་ནས།། ནམ
341a4 མཁའི་ལམ་གྱི་དབུས་ལས་ནི། ། དབུས་སུ་ཉི་མ་དང་མཚུངས་པའི།། དཀྱིལ་འཁོར་དགེ་བ་བསྒོམ་པར་བྱ།། སྔགས་པས་དཀྱིལ་འཁོར་ལས་ངོས་སུ།། ཟླ་བའི་དཀྱིལ་འཁོར་བསྒོམ་པར་བྱ།། བདག་པོའི་གཟུགས་ནི
341a5 ཡང་དག་བསྐྱེད། ། དེ་ཡིས་མི་གཡོ་བསྒོམ་པར་བྱ།། རིན་ཆེན་བཞི་བྱུང་སྒྲོ་ང་རུ།། སྦྲང་རྩི་མར་གྱིས་རབ་ཏུ་དགང་།། སྔགས་ཀྱི་ཡི་གེ་རྣམས་བསྒོམས་ནས།། བསམ་པ་དེ་ཡིས་སྦྱིན་སྲེག་བྱ།། དཀྱིལ་འཁོར
341a6 ལྔ་ཡི་ཚུལ་གྱིས་ནི། ། དབུས་སུ་ཧཱུཾ་གི་ཡི་གེ་འགེངས།། འབར་བའི་འཕྲེང་བའི་འཐིབས་པ་ནི།། ཀུན་ནས་རྣམ་པར་འཕྲོ་བར་བྱེད།། དེ་ལ་གནས་པས་ལྷ་ཡི་གཟུགས།། ཚིམ་པའི་དམ་ཚིག་གསུམ་འབྱུང་བས།། ཆོ་ག
341a7 ཤེས་པས་གཙུག་ཏོར་གྱིས། ། གཙུག་ཏོར་རྣམས་ནི་བསྒོམ་པར་བྱ།། བདག་པོའི་སྔགས་ནི་ཡང་དག་བསྐྱེད།། མཉམ་པར་བཞག་པས་བསྒོམ་པར་བྱ།། ཀུན་ནས་སོར་མོ་བཅུ་གཉིས་པའོ།། ཨུཏྤལ་ཆེན་པོ་འདས
iiif viewer powered by OpenSeadragon
