| e-texts navigator |
| Wylie |
340b1 བཅོམ་ལྡན་འདས་ཆོས་ཀྱི་དབང་ཕྱུག་གི་ཏིང་ངེ་འཛིན་གྱི་ཆོ་ག་རྫོགས་སོ།། ། ཆོ་ག་ཤེས་པས་གཟུགས་བྱས་ནས།། ངོས་སུ་ཧཾ་ཡིག་ཡང་དག་སྦྱར།། དབུས་སུ་རང་གི
340b2 རྣམ་པ་སྒོམ། ། འཛམ་བུ་ནཱ་ད་མཚུངས་པའི་འོད།། འདོད་མཆོག་གཟུགས་ནི་བསྐྲད་པར་བྱ།། ལག་ཏུ་མདུང་རྩེ་གསུམ་བསྒོམས་ནས།། དེ་ཡི་སྙིང་ཁར་དཀྱིལ་འཁོར་དགོད།། ཆོས་ཀྱི་དབང་ཕྱུག
340b3 གཟུགས་བསྒོམས་ནས། ། ཕྱིས་ནས་བྱ་བ་ཡང་དག་བརྩམ།། སྒྲོན་མ་འབྱུང་བ་ཞེས་བྱ་བ།། བཅོམ་ལྡན་འདས་འདོད་པའི་མཆོད་པའི་ཏིང་ངེ་འཛིན་རྫོགས་སོ།། །། ཡང་ན
340b4 བརྟུལ་ཞུགས་ཅན་གྱིས་ནི། ། བསྡུ་བས་སངས་རྒྱས་གཟུགས་བསྒོམ་བྱ།། གཙུག་ཏོར་སྔགས་དང་ཁྲོ་བོ་དང་།། རིག་པའི་རྒྱལ་པོ་རིག་བཅས་པ།། ལས་རྣམས་ཐམས་ཅད་པ་ཡི་སྔགས།། གོ་རིམས
340b5 བཞིན་དུ་དེ་བཟླས་བྱ། ། དབུས་སུ་བདག་པོ་བསྒོམས་ནས་ནི།། ངོས་སུ་ལྷ་རྣམས་དགོད་པར་བྱ།། སྙིང་པོ་སྦྱོར་བ་དེ་རྣམས་སུ།། ཟླ་བའི་དཀྱིལ་འཁོར་བསྒོམ་པར་བྱ།། སྔགས་ཀྱི་ཡི་གེ་མཆོད་བསྒོམས་ནས།
340b6 དེ་ཡིས་ལྷ་རྣམས་རྣམ་བསྒོམས་པས།། ཐམས་ཅད་ཀྱི་ནི་ལག་པར་ནི།། རྡོ་རྗེ་འཁོར་ལོ་པདྨ་སྒོམ།། མདུང་དང་ཡིད་བཞིན་ནོར་བུ་ཡང་།། བསྒོམས་ནས་མྱུར་དུ་སྒྲུབ་པར་བྱེད།། སྔགས་པས་རང་སྔགས་བཟླས་བྱས།
340b7 ཟླ་བའི་དཀྱིལ་འཁོར་བསྒོམས་པ་ཡིས།། ངོས་སུ་ཟླ་བ་ཡང་དག་སྦྱོར།། དབུས་སུ་སེར་པོ་རྣམ་བསྒོམ་བྱ།། བསྡུས་ཏེ་གོང་བུའི་ཚུལ་གྱིས་ནི།། རང་གི་ལུས་ལ་དགོད་པར་བྱ།། སངས་རྒྱས་ཐམས་ཅད་རབ་བསྐུལ་བས།།
iiif viewer powered by OpenSeadragon
