| e-texts navigator |
| Wylie |
338b1 ཆོ་ག་ཤེས་པས་གཤར་བའི་གོས།། ཁྲོ་བོའི་སེམས་ཀྱིས་རབ་ཞུགས་ནས།། ལིང་ག་རྐང་པས་མནན་ནས་ནི།། སངས་རྒྱས་ཀྱང་ནི་ངེས་པར་འཇོམས།། ཁྱབ་འཇུག་ལྷ་མིན་ལ་སོགས་ལྷ།། རྐང་པར་བྱས
338b2 ནས་བརྩམ་པར་བྱ། ། ཆོ་ག་ཤེས་པས་ཉིན་བདུན་གྱིས།། ཁམས་གསུམ་པོ་ཡང་འཇོམས་པར་བྱེད།། བཅོམ་ལྡན་འདས་རྣམ་པར་སྣང་མཛད་ཆེན་པོ་སྔགས་ཐམས་ཅད་འཆང་བས་དེ་སྐད་ཅེས་གསུངས་སོ།།
338b3 ལེའུ་བཅུ་དགུ་པ་རྫོགས་སོ།། ། དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོས་སྒྲུབ་པོ་ཐམས་ཅད་ཀྱི་སྡོམ་པའི་ལེའུ་གསུངས་སོ།། བཤང་དང་གཅི་བ་བཟའ་བར
338b4 བྱ་སེམས་ཅན་ཀུན་ལ་བདེ་བ་སྦྱིན། ། རྡོ་རྗེ་འཆང་རྒྱལ་དེ་ཉིད་ནི།། ཀུན་མཆོག་ས་ཡི་དབང་ཕྱུག་གོ། སྨ་དགུ་ལས་ནི་ཡང་དག་བྱུང་།། འགའ་ཞིག་ཏུ་ནི་བཟའ་བར་བྱ།། རྡོ་རྗེ་འཛིན་པ་ཀུན་གྱི་རྒྱལ།།
338b5 ཀུན་མཆོགས་ཡི་དབང་ཕྱུག་གོ། འདོད་ཆགས་བཟའ་བར་བྱ་བ་ནི།། ཕན་དང་བདེ་བ་ཐམས་ཅད་སྦྱིན།། དེ་ནི་རྡོ་རྗེ་འཆང་རྒྱལ་པོ།། ཀུན་མཆོག་ས་ཡི་དབང་ཕྱུག་གོ།། ཞེ་སྡང་བཟའ་བར་བྱ་བ་ནི།
338b6 རྡོ་རྗེ་ཡེ་ཤེས་རབ་རྟོགས་བྱེད།། དེ་ཉིད་རྡོ་རྗེ་འཆང་རྒྱལ་པོ།། ཀུན་མཆོག་ས་ཡི་དབང་ཕྱུག་གོ། གཏི་མུག་བཟའ་བར་བྱ་བ་ནི།། ཡེ་ཤེས་ཐམས་ཅད་རྟོག་པ་པོ།། དེ་ཉིད་ཞི་བ་ན་རྒྱལ་བ།། སངས
338b7 རྒྱས་རྣམ་པར་སྣང་མཛད་གཞི། ། བདེ་སྡུག་བཟའ་བར་བྱ་བ་ནི།། སློབ་དཔོན་ཇི་སྲིད་འཚོ་ཡི་བར།། དེ་ཉིད་ཞི་བ་འཛིན་རྒྱལ་པོ།། སངས་རྒྱས་རྣམ་པར་སྣང་མཛད་གཞི།། སློབ་དཔོན་ཇི་སྲིད་འཚོ་ཡི
iiif viewer powered by OpenSeadragon
