| e-texts navigator |
| Wylie |
337b1 གཞན་དུ་མིན། ། གསང་སྔགས་ཆོ་ག་ཀུན་ཐོབ་ནས།། སྔགས་པས་བསྙེན་པར་འགྲུབ་པར་བྱེད།། དེ་ཕྱིར་སྔགས་པས་ཁྱད་པར་གྱི།། སྡོམ་པ་སོ་སོར་བསྒྲུབ་པར་བྱ།། གང་ཉིད་སྡོམ་པར་ཡང་དག་བརྗོད།།
337b2 དེ་ཉིད་བརྟུལ་ཞུགས་ཅན་གྱིས་བསྲུངས།། གཞན་དུ་ནམ་མཁའ་ཇི་སྲིད་པར།། མནར་མེད་དམྱལ་བར་ཀུན་ཏུ་འབྱུང་།། ཇི་སྲིད་འཚོ་བར་ཆོ་ག་བཞིན།། སློབ་དཔོན་སྡོམ་པ་སྲུང་བ་ལ།། དེ་ཡི་སངས་རྒྱས
337b3 ཉིད་དུ་འགྲུབ། ། སྣ་ཚོགས་འཛིན་པ་ཀུན་གཞི་ཡི།། མཉམ་མེད་གསང་སྔགས་བཟླས་ནས་ནི།། སྒྲུབ་པའི་བདག་ཉིད་ཅན་གྱིས་བསྒྲུབ།། ཟླ་ཉི་གཅིག་གིས་འཇིག་རྟེན་གསུམ།། དེ་ཡིས་འགྲུབ་འགྱུར
337b4 ཐེ་ཚོམ་མེད། ། རྣམ་ཤེས་ལས་ཀྱང་བྱུང་བའི་སྔགས།། འབུམ་ཕྲག་དྲུག་ཏུ་བཟླས་ནས་ཀྱང་།། རྡོ་རྗེ་སེམས་དཔའ་ཕྱག་བྱས་ནས།། ཟླ་བ་ཉ་ལ་དེ་འགྲུབ་འགྱུར།། སྔགས་དང་ཕྱག་རྒྱའི་རབ་དབྱེ་བས།།
337b5 ངེས་པར་སངས་རྒྱས་ཀྱང་ཐོབ་བྱེད།། ཕྱག་རྒྱའི་དབྱེ་བ་རབ་བཀོད་པ།། ངེས་པར་ལྷ་རྣམས་སྤྱན་དྲངས་མེད།། དག་བདག་གང་ཉིད་ཚོལ་བྱེད་པ།། དེ་ཉིད་རྟག་ཏུ་འབད་བྱའོ།། མཁས་པས་རབ་མཆོག་སངས་རྒྱས
337b6 ལ། སོགས་པའི་ཕྱག་རྒྱ་བཅིངས་བྱས་ནས།། དེ་རྣམས་སྔགས་ནི་བཟླས་ནས་ནི།། རྟག་ཏུ་ངེས་པར་སྦྱིན་པར་བྱ།། སྔགས་པས་རྒྱལ་པོའི་བུ་མོ་གང་།། གལ་ཏེ་སངས་རྒྱས་བུ་མོའང་རུང་།། བཟུང་ནས་ཉེ་བར་ལོངས
337b7 སྤྱད་བྱ། ། ཇི་སྲིད་ཡིད་ནི་ཚིམ་པར་གྱུར།། དུག་དང་སྐེ་ཚེ་ཡང་དག་ལྡན།། ཡུངས་ཀར་ཏིལ་མར་བསྲེས་པ་དང་།། རུས་པ་རྡོ་བར་ཡང་དག་ལྡན།། མ་ཏྲི་ཏྲཾ་དེ་ཕྱེ་མར་བྱ།། བཤང་དང་གཅི་བ་རབ་བཅུག་ནས།
iiif viewer powered by OpenSeadragon
