| e-texts navigator |
| Wylie |
336b1 སློབ་ཤེས། ། སངས་རྒྱས་གཟུགས་སུ་རྣམ་བསྒོམ་བྱ།། དེ་ཡི་མིང་གི་ཡི་གེ་གང་།། ཇི་སྲིད་འཚོ་བར་བརྗོད་མི་བྱ།། སངས་རྒྱས་གྲངས་མེད་བསད་བྱས་ནས།། སྡིག་པ་འདི་ནི་ཁྱད་པར་འཕགས།། གང
336b2 ཚེ་ཁ་ཅིག་ཡོན་ཏན་འདིས། ། བསྟོད་ན་བསོད་ནམས་ཡང་དག་འབྱུང་།། དེ་ཚེ་སློབ་དཔོན་རྟོགས་མེད་པས།། གཞན་དུ་གལ་ཏེ་རྨོངས་པ་བདག། དེ་ཚེ་ངུ་འབོད་དུ་འཚེད་འགྱུར།། གང་ཚེ་བ
336b3 མཱ་པཱ་ཏི། ། གུས་པས་ཉན་སོགས་བསྙེན་པ་གང་།། དེ་ཚེ་སློབ་མ་སྔགས་ཞུ་དང་།། ཇི་ལྟར་ཁ་ཅིག་སློབ་དཔོན་རྣམས།། བང་བ་དངོས་སུ་མཐོང་བར་འགྱུར།། གང་ཞིག་ལ་ལ་སློབ་དཔོན་རྣམས།
336b4 བདག་ཉིད་ཐིག་ནག་འཚོད་ཅིང་འཚེད།། དེ་དག་ངུ་འབོད་དུ་འཚེད་འགྱུར།། སློབ་དཔོན་གང་ཉིད་ཚོལ་བྱེད་པ།། དེ་ནི་དེ་ལ་དབུལ་བར་བྱ།། གཞན་དུ་དངོས་གྲུབ་མེད་པ་ཉིད།། ཇི་སྲིད་སློབ་མའི་མ་རྟག
336b5 སློབ་དཔོན་གྱི། ། ཆུང་མའི་དོན་དུ་བསྒྲུབ་པར་བྱ།། ཡང་ན་སྲིང་མོ་དེ་བྱིན་ནས།། འགྲུབ་འགྱུར་འདིར་ནི་ཐེ་ཚོམ་མེད།། སློབ་དཔོན་གང་ཞིག་སློབ་མའི་ཕྱིར།། ཕྱག་འཚལ་བ་ནི་བསྒྲུབ་པར་བྱ།། བསྐལ་པ་དྲུག
336b6 ཅུར་དེ་དམྱལ་བའི། ། སྡུག་བསྔལ་མྱོང་བར་འཚེད་པར་འགྱུར།། དེ་ལྟར་ཡོན་ཏན་ཁྱད་འཕགས་ཀྱི།། ཟླ་བ་དྲུག་གིས་རབ་གསལ་བྱ།། གལ་ཏེ་གཞན་དུ་བདག་རྨོངས་ན།། མནར་མེང་ལྟ་བུར་འཚེད་པར
336b7 འགྱུར། ། གང་ཉིད་སློབ་དཔོན་ཚོལ་བྱེད་པ།། དེ་ཉིད་སོ་སོར་བསྒྲུབ་པར་བྱ།། རྡོ་རྗེ་ཡེ་ཤེས་རབ་བསྐུལ་བས།། དངོས་གྲུབ་ཡངས་པར་དེ་འགྲོ་འགྱུར།། ཡོན་ཏན་འདི་རྣམས་གང་གིས་འགས།། བསོད
iiif viewer powered by OpenSeadragon
