| e-texts navigator |
| Wylie |
322b1 ལྷོ་ཕྱོགས་ཡི་དགས་རྣམས་ཀྱི་བདག། གཤིན་རྗེ་དང་ནི་མ་མོ་བདུན།། བདེན་བྲལ་ཕྱོགས་སུ་ཡི་དགས་ཀྱི།། དབང་པོ་དང་ནི་འབྱུང་པོ་ཀུན།། ནུབ་ཀྱི་ཕྱོགས་སུ་ཀླུ་ཡི་བདག། ཆུ་ལྷ་དང་ནི་ཀླུ་རྣམས་ཀུན།། རླུང་གི་ཕྱོགས
322b2 སུ་རླུང་ལྷ་དང་། ། རིག་པ་འཛིན་པ་ཐམས་ཅད་དང་།། བྱང་གི་ཕྱོགས་སུ་གནོད་སྦྱིན་བདག། ལུས་ངན་དང་ནི་གནོད་སྦྱིན་ཀུན།། དབང་ལྡན་ཕྱོགས་སུ་དབང་ཕྱུག་ནི།། འབྱུང་པོ་ཀུན་གྱི་བདག་པོ་དང་།། ཇི་སྐད་གསུངས
322b3 པ་ཆོ་ག་ཡིས། ། བུམ་པ་དགོད་དང་གདན་སོགས་བྱ།། ལྷ་རྣམས་ཀུན་གྱི་རྒྱལ་པོ་ནི།། དེར་ནི་དགོད་པར་བྱ་བ་ཡིན།། མཁས་པས་མེ་ཏོག་དྲི་སོགས་ཀྱིས།། མཆོད་པའི་ཆོ་ག་བྱས་ནས་ནི།། མཉེས་པའི་རིགས
322b4 པས་མཉེས་པར་བྱ། ། དེ་ལྟར་དགས་འགྱུར་གཞན་དུ་མིན།། འདིར་ནི་སྔོན་མཐར་དེ་རྣམས་ཀྱི།། ཉ་དང་ཆང་སོགས་རབ་སྦྱིན་བྱ།། ཆོ་ག་ཤེས་པས་གསང་བའི་མཆོད།། སྒོ་བཞི་རྣམས་སུ་བརྟག་པར་བྱ།། ཁུ་བ་དེ་ནི
322b5 བཟུང་བྱས་ནས། ། ཐམས་ཅད་དུ་ནི་དབུལ་བར་བྱ།། རིག་མའི་ཚུལ་གྱི་ཆོ་ག་ཡིས།། དེ་ནི་ཡང་ཡང་དགྱེས་པར་བྱ།། མཁས་པས་དགའ་བའི་རྣམ་པ་ཡིས།། ཐོག་མར་གཏོར་མ་སྦྱིན་པར་བྱ།། ཆོ་ག་ཤེས་པས
322b6 འཕྲོག་མ་ཡིས། ། གཉིས་པ་རུ་ནི་ཡང་དག་གཟུང་།། སྔགས་པས་ཁྱད་པར་གསུམ་པ་རུ།། སངས་རྒྱས་རྣམས་ཀྱི་སྦྱིན་པར་བྱ།། དེ་ཉིད་བརྗོད་པ་དེ་ཡིས་ནི།། གང་གསུངས་སྦྱིན་སྲེག་ལས་རྣམས་བྱ།། དེ་ཚེ་སློབ
322b7 མ་དབང་བསྐུར་བའི། ། ལས་རྣམས་སོ་སོར་བསྒྲུབ་པར་བྱ།། དེ་བཞིན་བསམ་པས་བུམ་པ་རུ།། རྡོ་རྗེ་སེམས་དཔའི་རབ་སྦྱོར་གྱིས།། ལྷག་མའི་སངས་རྒྱས་ཞེས་བྱ་བར།། དེ་ཉིད་རིགས་པར་ཡང་དག་བསྐྱེད།།
iiif viewer powered by OpenSeadragon
