| e-texts navigator |
| Wylie |
320b1 གསུམ་འཇིག་འཕྲོག་པ་མོ། ། དེ་རྣམས་ཐམས་ཅད་རང་གཟུགས་སུ།། རྡོ་རྗེ་སེམས་དཔའ་རྣམས་བསྒོམ་བྱ།། སངས་རྒྱས་སློབ་དཔོན་དེ་རྟག་ཏུ།། འདོད་ཡོན་ལྔ་ཡི་མཆོག་རྣམས་ཀྱི།། འབུལ་བར་བྱེད།
320b2 པ་རྟག་ཏུ་བྱ།། དེ་ལྟས་དགྱེས་འགྱུར་གཞན་དུ་མིན།། རང་གི་ཁུ་བ་ཡང་དག་བསྐྱེད།། མཆོད་པ་བསྐྱེད་པར་བཤད་པ་ཡིན།། གཟུགས་བརྙན་དེས་ནི་ནམ་མཁའི་དབྱིངས།། ཡོངས་སུ་གང་བར་རྣམ
320b3 བསྒོམ་བྱ། ། དཔག་བསམ་ལྗོན་ཤིང་རིན་ཆེན་ཚེ།། ཡིད་བཞིན་ནོར་བུ་ཤིན་ཏུ་མཛེས།། རིགས་ཀྱི་དབྱེ་བ་ཤེས་པ་ཡིས།། དེ་རྣམས་ཁ་དོག་རྣམ་བསྒོམ་བྱ།། ཇི་སྐད་གསུངས་པའི་གཟུགས
320b4 དེས་ནི། ། དབང་བསྐུར་བ་ནི་གཟུང་བར་བྱ།། ཆོ་ག་ཤེས་པས་དེ་ཡི་ཚེ།། བྱ་བ་བུམ་པ་བསམ་པར་བྱ།། སངས་རྒྱས་གཟུགས་སོགས་ཐམས་ཅད་ཀྱིས།། མཆོད་བཞིན་པར་ནི་རྣམ་པར་བསམ།།
320b5 ཡང་དག་སྦྱོར་བའི་མཚན་ཉིད་འདིས།། ཤིན་ཏུ་དབང་བསྐུར་མཉམ་པ་ཅན།། སྐྱེ་བ་འདིར་ཉིད་སངས་རྒྱས་ཉིད།། ཐོབ་སྟེ་འདིར་ནི་ཐེ་ཚོམ་མེད།། རང་སྔགས་ཁྲོ་བོ་མཚུངས་པ་ཡི།། ཕན་པའི་སྦྱིན
320b6 པ་སྦྱིན་པར་བྱེད། ། དེ་ནི་དུས་ཡུན་མི་རིང་བས།། དངོས་གྲུབ་སྐྱེ་བ་ལྟ་བུར་ཐོབ།། བློ་ལྡན་སངས་རྒྱས་སློབ་དཔོན་གྱི།། རྟག་ཏུ་དེ་ཡི་དམ་ཚིག་ནི།། གང་ཁོ་ན་ཡི་རིགས་འབྱུང་བ།། འབད་པ་ཡིས
320b7 ནི་འདི་ལྟར་འོས། ། གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པ་ཆེན་པོར། བསམ་གཏན་ཆེན་པོའི་ལེའུ་སྟེ་བཅུ་གཅིག་པའོ།། །། དེ་ནས་བཅོམ་ལྡན་འདས
iiif viewer powered by OpenSeadragon
