| e-texts navigator |
| Wylie |
319b1 མོ་སྤྱན་ལ་སོགས། ། གྲཝ་རྣམས་ཀུན་ཏུ་བསམ་པར་བྱ།། གཞན་གྱིས་མི་ཐུབ་ཁྲོ་བོ་ཆེ།། སྒོ་དང་སྒོར་ནི་རྣམ་བསྒོམ་བྱ།། རྡོ་རྗེ་སེམས་དཔའ་ཡང་དག་དབྱུང་།། དེ་ཁོ་ཉིད་གང་སྦྱར་བར་བྱ།། ཡེ་ཤེས
319b2 སྦྱོར་བས་ཐམས་ཅད་ལ། ། འདོད་ཡོན་ལྔ་ཡིས་མཆོད་པར་བྱ།། ཁུ་བ་དེ་ལ་ཡང་དག་བསྐྱེད།། མཆོད་པར་བྱེད་པ་བསྐྱེད་པར་བཤད།། མཁའ་ཁམས་གཙུག་ཏོར་ཐམས་ཅད་ཀྱིས།། ཡོངས་སུ་གང་བར་རྣམ
319b3 བསྒོམ་བྱ། ། གཙུག་གཏོར་གྱི་སྙིང་པོ་ཀུན་ཏུ་སྐུལ་བར་བྱེད་པའི་དཀྱིལ་འཁོར་རྫོགས་སོ།། ། དེ་ནས་ཕྱག་ན་རྡོ་རྗེས་སླར་ཡང་འདོད་པའི་ཁམས་ཐམས་ཅད་མཉམ་པར་འཇུག་པ
319b4 འབྱུང་བར་རྡོ་རྗེ་བྱིན་གྱིས་རློབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རིགས་ཐམས་ཅད་ཀྱི་ཐུན་མོང་གི་སེང་གེ་རྣམ་པར་རོལ་པ་ཞེས་བྱ་བའི་བསམ་གཏན་གྱི་དཀྱིལ་འཁོར་ཆེན་པོ་འདི་གསུངས་པ
319b5 ཆོ་ག་ཤེས་པས་སྣ་ཚོགས་མདོག། འོ་མ་དང་ཞོར་རྣམ་བསྒོམ་བྱ།། རིན་ཆེན་བཞི་ཡི་རང་བཞིན་དབུས།། རི་བོ་དེ་ལ་བསྒོམ་པར་བྱ།། ལོགས་བཞི་པ་ལ་གྲཝ་བཞི་པ།། སྒོ་བཞི་པར་ནི་རབ་ཏུ་བརྟག། པདྨ་ཨུཏྤལ་ཀུན
319b6 ཏུ་བཀྲམ། ། གཞོགས་རྣམས་སུ་ནི་རྣམ་པར་བསམ།། རིན་ཆེན་ཀུན་གྱི་གདན་དང་ནི།། རྟག་ཏུ་ཟླ་བའི་དཀྱིལ་འཁོར་ཉིད།། སངས་རྒྱས་སློབ་དཔོན་ཁྱད་པར་གྱིས།། བསམ་གཏན་བརྩོན་པས་སྦྱར་བར་བྱ།
319b7 སྔགས་པས་ཉི་མའི་དཀྱིལ་འཁོར་ཅན།། དེ་ཡི་དབུས་སུ་བསྒོམ་པར་བྱ།། མཐེའུ་ཆུང་མཐོ་ལས་འདས་པ་ལས།། སོར་བཞིའི་ངོས་དང་གྲཝ་རྣམས་སུ།། ངོས་རྣམས་སུ་ནི་རྟག་ཏུ་བྱ།། བདུད་རྩི་ཞེས་ནི་བསྒོམ
iiif viewer powered by OpenSeadragon
