| e-texts navigator |
| Wylie |
318b1 གཞོགས་སུ་རྣམ་པར་བསྒོམ་པར་བྱ།། ཁུ་བ་ཉིད་ཀྱིས་ནམ་མཁའི་ཁམས།། རིན་ཆེན་གང་བར་རྣམ་བསམ་བྱ།། ཇི་ལྟར་རིགས་པར་ཆོས་ཀྱི་སྐུ།། དེ་ཉིད་སྦྱོར་བས་མཆོད་པར་བྱ།། འདོད་ཆགས་ཀྱི་ཆོས་ཞེས་བྱ་བའི
318b2 བསམ་གཏན་ཆེན་པོའི་གསང་ཆེན་རྫོགས་སོ། ། ། དེ་ནས་ཕྱག་ན་རྡོ་རྗེས་སླར་ཡང་དམ་ཚིག་ཐམས་ཅད་འབྱུང་བའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས
318b3 འདོད་ཆགས་ཐམས་ཅད་ཀྱི་ཚུལ་ཞེས་བྱ་བའི་བསམ་གཏན་གྱི་དཀྱིལ་འཁོར་ཆེན་པོ་འདི་གསུངས་སོ། ། སྐུ་ཡི་དཀྱིལ་འཁོར་ཚུལ་གྱིས་ནི།། ཐམས་ཅད་དེར་ནི་རྣམ་བསམ་བྱ།། ཤར་དུ་དགྲ་རྣམས་ངེས
318b4 འཇོམས་པ། ། སྣ་ཚོགས་མདོག་ཏུ་རྣམ་བསམ་བྱ།། ལྷོ་རུ་མེ་ཏོག་ཡང་དག་སྦྱོར།། ངོ་བོ་ཉིད་ཀྱིས་བསྒོམ་པར་བྱ།། ནུབ་ཏུ་ཡེ་ཤེས་ཡང་དག་དག། ཞི་བའི་གཟུགས་ནི་རྣམ་བསམ་བྱ།། བྱང་དུ་རྣམ
318b5 རྒྱལ་ཞེས་བྱ་ཡང་། ། བརྩོན་པའི་བསམ་པས་བསྒོམ་པར་བྱ།། དབུས་སུ་འདོད་མཆོད་ཡང་དག་སྦྱོར།། རང་གི་གཟུགས་ཀྱི་སྒོམ་པ་ལས།། ཆོ་གས་འདོད་པའི་དབང་ཕྱུག་མར།། བསམ་བྱ་སེམས་དཔའི
318b6 བདག་ཉིད་ཅན། ། ཆོ་ག་ཤེས་པས་པདྨའི་ཕྱག། གྲཝ་རྣམས་ཉིད་དུ་རྣམ་བསམ་བྱ།། འདོད་ཡོན་ཀུན་གྱིས་མཆོད་པ་ལ།། མཆོད་པར་བྱས་ནས་མཆོད་པར་བྱ།། རྡོ་རྗེ་སེམས་དཔའ་དེ་ཕྱུང་ནས།། གཞོགས་སུ་རྣམ་པར
318b7 བསམ་པར་བྱ། ། ཁུ་བ་འདོད་མཆོད་ཚུལ་གྱིས་ནི།། བསྐྱེད་ནས་ཁྱབ་བདག་མཆོད་པར་བྱ།། འདོད་པའི་སློབ་དཔོན་གྱིས་བརྟག་བྱ།། མཆོད་པ་ལ་སོགས་ཡོངས་སུ་གཟུངས།། འདོད་ཆགས་ཐམས་ཅད་ཀྱི་དམ་ཚིག
iiif viewer powered by OpenSeadragon
