| e-texts navigator |
| Wylie |
317a1 དམ་ཚིག་རྡོ་རྗེ་བྱིན་གྱིས་རློབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དམ་ཚིག་ཐམས་ཅད་ཀྱི་དངོས་གྲུབ་ཀྱི་ཡེ་ཤེས་ཀུན་ཏུ་སྤྱོད་པའི་ཕྱིར་དཀྱིལ་འཁོར་ཆེན་པོ་འདི
317a2 སྟོན་པར་མཛད་དོ། ། དེ་ནས་ཡང་དག་བཤད་བྱ་བ།། དཀྱིལ་འཁོར་ཆེན་པོ་དམ་པ་སྟེ།། རྡོ་རྗེ་ཡེ་ཤེས་ལྟ་བུ་སྟེ།། སངས་རྒྱས་བྱང་ཆུབ་རབ་གསལ་བྱེད།། འོ་མ་དང་ཞོར་བསམ་བྱ་ཞིང་།། པདྨ་ཕྲ་མོས་ཉེ
317a3 བར་མཛེས། ། སྣ་ཚོགས་མེ་ཏོག་ཆུན་པོས་གང་།། རབ་ཏུ་འབད་པས་བསྒོམ་པར་བྱ།། ལོགས་བཞི་པ་དང་ཟུར་བཞི་པར།། མཁས་པས་རབ་ཏུ་བརྟག་པར་གྱིས།། འཛམ་བུ་ནཱ་ད་ཡང་དག་བྱུང་།། དེ་ལ་དབུས
317a4 སུ་བསྒོམ་པར་བྱ། ། ཁྲུ་ནི་བཅུ་དྲུག་ཏུ་བྱ་བ།། སངས་རྒྱས་སློབ་དཔོན་ཆོ་ག་གནས།། ཆོ་ག་ཤེས་པས་གྲཝ་རྣམས་སུ།། རྩེ་མོ་ལྔ་པ་རྣམ་བསྒོམ་བྱ།། ཇི་ལྟར་རིགས་པའི་གནས་ལྔ་རུ།། ཟླ་བ་ཡི་ནི་དཀྱིལ་འཁོར་བརྟག།
317a5 དཀྱིལ་འཁོར་རྣམས་ནི་སྒོམ་བྱེད་པ།། ལག་པ་གཅིག་ཏུ་ཡང་དག་བསྐྱེད།། ཇི་ལྟར་རིགས་པས་ཤར་གྱི་ནི།། མི་བསྐྱོད་ཡོངས་སུ་བརྟག་པར་བྱ།། ཆོ་ག་ཤེས་པས་ལྷོ་ཡི་ནི།། དེང་ནི་རིན་ཆེན་དགོད་པར་བྱ།།
317a6 ནུབ་ཀྱི་དཔག་མེད་ཅེས་བརྗོད་པ།། བྱང་དུ་དོན་ཡོད་གྲུབ་པའོ།། ཆོ་ག་ཤེས་པས་སེར་པོའི་མདོག། དེ་ཉིད་སྒོམ་པས་བསྒོམ་པར་བྱ།། དབུས་སུ་ཁྱབ་བདག་རྣམ་སྣང་མཛད།། སངས་རྒྱས་བསྐྱེད་ནས་བསྒོམ
317a7 པར་བྱ། ། སློབ་མའི་རྣམ་པར་ཐམས་ཅད་དུ།། ཆོ་ག་ཤེས་པས་རྣམ་བསྒོམ་བྱ།། རིག་མ་ཆེན་མོ་སྤྱན་ལ་སོགས།། གྲཝ་རྣམས་ཉིད་དུ་རྣམ་བསྒོམ་བྱ།། ཆོ་ག་ཤེས་པས་བདུད་རྩི་ཞེས།། སྒོ་རྣམས་ཀུན་ཏུ་བསྒོམ
iiif viewer powered by OpenSeadragon
