| e-texts navigator |
| Wylie |
316b1 འཁོར་དབུས་གནས་པར། ། རང་གི་སྔགས་ནི་ཡང་དག་བསྐྱེད།། ཆོ་ག་ཤེས་པས་གཟུགས་རྣམ་པར།། གནས་ལྔ་རྣམས་སུ་བསྒོམ་པར་བྱ།། བྱང་ཆུབ་སེམས་ནི་ཡང་དག་བསྐྱེད།། དེ་ཀུན་བསྐུལ་བྱ་བརྟུལ
316b2 ཞུགས་ཅན། ། ཆོས་ཀྱི་དཀྱིལ་འཁོར་དབུས་སུ་ནི།། རང་གི་སྔགས་ནི་ཡང་དག་བསྐྱེད།། ཅོད་པན་དུ་དེ་རྣམ་བསྒོམས་ནས།། མཆོད་པར་བྱ་ཞིང་བསྒོམ་པར་བྱ།། སངས་རྒྱས་སློབ་དཔོན་བདེ་ལྡན་གང་།།
316b3 དེ་ཉིད་རྣལ་འབྱོར་པའི་བདེ་དེ།། ཀུན་ཏུ་སྐྲག་པ་ཀུན་སྤངས་པའི།། སྔགས་པ་སེང་ག་བཞིན་དུ་སྤྱོད།། སྐྱེ་བ་འདིར་ཉིད་སངས་རྒྱས་ཉིད།། སྐད་ཅིག་དེ་ལ་ངེས་སྦྱོར་བྱེད།། བཅོམ་ལྡན་འདས་དེ་བཞིན
316b4 གཤེགས་པ་ཐམས་ཅད་ཀྱི་དམ་ཚིག་གིས་དེ་སྐད་ཅེས་གསུངས་སོ། ། གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པའི་རྒྱལ་པོ་ཆེན་པོར། དམ་ཚིག་གི་ལེའུ་སྟེ་བཅུ་པའོ།། །
316b5 ། དེ་ནས་དེ་བཞིན་གཤེགས་པ་ཐམས་ཅད་བསྡུ་བས་བྱོན་ནས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་དང་། ཡེ་ཤེས་ཀྱི་མཆོད་པའི་སྤྲིན་གྱི་བཀོད་པས
316b6 བཅོམ་ལྡན་འདས་ཕྱག་ན་རྡོ་རྗེ་ལ་ཡང་དག་པར་མཆོད་དེ་འདི་སྐད་ཅེས་གསོལ་ཏོ། ། དངོས་གྲུབ་ཐམས་ཅད་བྱེད་བསམ་གཏན།། བསམ་གཏན་དཀྱིལ་འཁོར་མཆོག་གྱུར་པ།། དཀྱིལ་འཁོར་ཆེན་པོ་མཆོག་གྱུར་པ།
316b7 དེ་ཉིད་བཅོམ་ལྡན་བཤད་དུ་གསོལ།། དེ་ནས་བཅོམ་ལྡན་འདས་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱིས་གསོལ་བ་འདེབས་པར་བྱེད་པའི་ཚིག་གསན་ནས། དེ་བཞིན་གཤེགས་པ་ཐམས་ཅད་ཀྱི
iiif viewer powered by OpenSeadragon
