| e-texts navigator |
| Wylie |
314b1 རྒྱས་འབྱུང་བ་ནི། ། དེས་ཆགས་བདག་པོ་དཀའ་བ་མིན།། གང་གཞན་གསུམ་པོ་བསྡུས་པ་ཡིས།། འདིར་གཞན་སོ་སོར་གནས་དེ་མིན།། ཆོ་ག་ཤེས་པས་ཕྱི་འདིར་ནི།། བྱ་དེ་གཞན་རྣམས་དང་སྦྱར་བྱ།།
314b2 ཡེ་ཤེས་འཁོར་ལོས་བསྐུལ་བ་ཡིས།། དངོས་གྲུབ་ཡངས་པ་དེར་འགྲོ་འགྱུར།། རང་ངམ་གལ་ཏེ་གཞན་ཡང་རུང་།། དེ་ཉིད་སྦྱོར་བར་མི་བྱེད་དོ།། ཇི་སྲིད་ནམ་མཁའ་ཀུན་འབྱུང་བ།། སངས་རྒྱས་ཉིད
314b3 ནི་ཐོབ་མི་བྱེད། ། ང་ནི་མནར་མེད་ང་འཇིགས་རུང་།། ང་ནི་སྡུག་བསྔལ་ང་བདེ་བ།། ཞེ་སྡང་ང་ལ་དེ་བཞིན་རྨོངས།། ང་ནི་འདོད་ཆགས་སོ་སོར་གནས།། ཞེས་སོ།། གཉིས་སུ་མེད་པ་མཉམ་པ་ཉིད་རྣམ
314b4 པར་རྒྱལ་བའི་རྟོག་པའི་རྒྱལ་པོ་ཆེན་པོར། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཁོང་དུ་ཆུད་པར་བྱེད་པ་ཞེས་བྱ་བའི་མཆོག་ཏུ་གསང་ཆེན་གྱི་ལེའུ་སྟེ་དགུ་པ་རྫོགས་སོ།།
314b5 དེ་ནས་བཅོམ་ལྡན་འདས་ཕྱག་ན་རྡོ་རྗེས་སླར་ཡང་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཐོབ་པའི་འབྲས་བུ་དང་རྒྱུ་དག་གིས་རྡོ་རྗེ་སེམས་དཔའ་ཐམས་ཅད་ཀྱི་བཅུད་ཀྱི་དམ་ཚིག་ཆེན་པོ་བཀའ
314b6 སྩལ་པ། དགྲ་བཅོམ་ལ་ཕྱག་བྱ་མིན་ཉིད།། དགེ་སློང་ཡང་རུང་ཕྱག་བྱ་མིན།། སངས་རྒྱས་རྣམས་ཀྱི་སངས་རྒྱས་ཉིད།། ཐོབ་པ་ཕྱག་སྟེ་ཕྱག་བྱ་མིན།། རང་གཟུགས་སུ་ནི་རང་གཟུགས་ཀྱིས།། བསམས
314b7 ནས་དེ་ཉིད་ཆོ་ག་ལས། ། སྙིང་ཁར་རྡོ་རྗེ་སོགས་བྱས་ནས།། ཡང་དག་མཆོད་བྱར་དེ་སྦྱར་བྱ།། གལ་ཏེ་རྡོ་རྗེ་སེམས་དཔའ་ཡང་རུང་།། ཁ་ཅིག་ཕྱིས་འདི་ལས་འགོངས་ན།། རང་གི་བྱང་ཆུབ་སེམས་སྨྲས་པས།
iiif viewer powered by OpenSeadragon
